29 сакавіка ў галерэі “Лабірынт” адбыўся канцэрт-прэзентацыя серыі нотных выданняў “Музыкальное наследие Речи Посполитой из Российской Национальной библиотеки”.
Арганізатары канцэрта-прэзентацыі – Нацыянальная бібліятэка Беларусі і выдавецтва “Четыре четверти”.
Серыя нотных выданняў заснавана ў 2008 годзе кампазітарам і даследчыкам, дацэнтам Беларускага дзяржаўнага ўніверсітэта культуры і мастацтваў Яўгенам Паплаўскім. На сённяшні дзень выйшла 10 сшыткаў.
З вітальным словам да гасцей звярнулася першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава. У мерапрыемстве ўзялі ўдзел дырэктар выдавецтва “Четыре четверти” Ліліяна Анцуг; дырэктар Інстытута Польскага ў Санкт-Пецярбургу Цэзарый Карпінскі; старшыня Нацыянальнай камісіі Рэспублікі Беларусь па справах ЮНЕСКА, пасол па спецыяльных даручэннях Міністэрства замежных спраў Рэспублікі Беларусь Уладзімір Шчасны.
Аўтар серыі “Музыкальное наследие Речи Посполитой из Российской Национальной библиотеки”, кампазітар, дацэнт Беларускага дзяржаўнага ўніверсітэта культуры і мастацтваў Яўген Паплаўскі перадаў у дар Нацыянальнай бібліятэцы Беларусі прэзентуемыя нотныя выданні.
Асаблівы каларыт вечару надалі ўнікальныя творы кампазітараў часоў Рэчы Паспалітай у выкананні народнага артыста Беларусі, кампазітара Ігара Алоўнікава, студэнтаў Беларускай дзяржаўнай акадэміі музыкі і навучэнцаў Рэспубліканскай гімназіі-каледжа пры Беларускай дзяржаўнай акадэміі музыкі.
 |
 |
 |
 |
 |
 |
 |
 |
 |
