ГалоўнаяНавіныНавіны Нацыянальнай бібліятэкі Беларусі
Бусел і дракон: у новай выстаўцы перапляліся традыцыі Беларусі і Кітая
Тэндэнцыі ў бібліятэчнай справе: з прэзентацыяй у “алмазе ведаў” выступіў замежны спецыяліст

Прэзентацыя факсімільнага ўзнаўлення Берасцейскай Бібліі на Скарынаўскіх чытаннях

Прэзентацыя факсімільнага ўзнаўлення Берасцейскай Бібліі на Скарынаўскіх чытаннях
Іншыя навіны

24 верасня ў Беларускім дзяржаўным тэхналагічным універсітэце пачаў працу традыцыйны міжнародны форум “Скарынаўскія чытанні”, які збірае навукоўцаў і спецыялістаў у выдавецкай галіне з Беларусі і замежных краін.

На ўрачыстым адкрыцці і пленарным паседжанні прадстаўнікі Нацыянальнай бібліятэкі Беларусі – намеснік дырэктара па навуковай рабоце і выдавецкай дзейнасці Алесь Суша і загадчык навукова-даследчага аддзела кнігазнаўства Анатоль Сцебурака – прадэманстравалі факсіміле славутай Берасцейскай (Радзівілаўскай) Бібліі 1563 г. У рамках прэзентацыі быў агучаны даклад аб ролі легендарнага перакладу Свяшчэннага пісання ў культуры Беларусі эпохі Рэнесансу, яго ўплыву на кніжную культуру Вялікага Княства Літоўскага.

Зацікаўленыя ўдзельнікі форуму былі запрошаны прыняць удзел у цыкле мерапрыемстваў у Нацыянальнай бібліятэцы Беларусі, першае з якіх адбудзецца 27 верасня“Берасцейская Біблія: адкрыты дотык".

Матэрыял прадастаўлены навукова-даследчым аддзелам кнігазнаўства.


Навіны

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

Краязнаўчыя рэсурсы бібліятэк Брэсцкай, Віцебскай і Гомельскай абласцей на віртуальнай пляцоўцы НББ

20 Ліс 2020

16–18 лістапада ў Нацыянальнай бібліятэцы Беларусі адбылося 3 вебінары з серыі “Краязнаўчыя інфармацыйныя рэсурсы публічных бібліятэк”.

Навіны Нацыянальнай бібліятэкі Беларусі

Віртуальная чытальная зала Нацыянальнай бібліятэкі Беларусі працягвае знаёміць з ЭІР для сферы адукацыі

19 Ліс 2020

19 лістапада адбыўся чарговы анлайн-семінар віртуальнай чытальнай залы Нацыянальнай бібліятэкі Беларусі. Яго галоўная тэма – электронныя інфармацыйныя рэсурсы для устаноў усіх ступеней адукацыі.

Навіны Нацыянальнай бібліятэкі Беларусі

111