11 лістапада а 16-й гадзіне ў галерэі “Лабірынт” (3-ці паверх) адбудзецца прэзентацыя кнігі “Последний приют солдата”, якая выйшла ў Выдавецкім доме “Звязда”.
У выданні сабраны і абагульнены звесткі пра пахаванні часоў Першай сусветнай вайны на тэрыторыі Беларусі.
Напісанню кнігі папярэднічала вялікая пошукавая праца, якую правялі даследчыкі на тэрыторыі Беларусі. Яны дэталёва вывучылі кожны населены пункт, дзе захаваны дадзеныя пра падзеі Першай сусветнай вайны і знаходзяцца воінскія пахаванні тых часоў. Дзякуючы намаганням спецыялістаў адрадзіліся з нябыту раней пакінутыя без увагі месцы гістарычнай памяці.
Кніга “Последний приют солдата” выдадзена на рускай і нямецкай мовах. У 100-ю гадавіну з пачатку Першай сусветнай вайны яна заклікае да паразумення і прымірэння ў імя будучыні.
Тэлефоны для даведак: (8 017) 293 27 56, 293 28 33.
Е-mail: pr@nlb.by
