ГалоўнаяНавіныНавіны Нацыянальнай бібліятэкі Беларусі
Твой дом – Брагін
Праект “Насустрач перамозе”: унікальныя экспанаты знаёмяць з жыццём беларускіх партызан

Прэзентацыя праекта, прысвечанага Станіславу Манюшку, у Музеі гісторыі тэатральнай і музычнай культуры

Прэзентацыя праекта, прысвечанага Станіславу Манюшку, у Музеі гісторыі тэатральнай і музычнай культуры
Іншыя навіны

3 мая ў Дзяржаўным музеі гісторыі тэатральнай і музычнай культуры Рэспублікі Беларусь у рамках круглага стала, прысвечанага 200-годдзю з дня нараджэння кампазітара Станіслава Манюшкі, адбылася прэзентацыя новага віртуальнага праекта Нацыянальнай бібліятэкі Беларусі “Станіслаў Манюшка. Музычны рамантык з Міншчыны”.

Работа круглага стала ладзілася ў межах гранта Прэзідэнта Рэспублікі Беларусь у навуцы, адукацыі, ахове здароўя, культуры і пад патранатам Нацыянальнай камісіі Рэспублікі Беларусь па справах ЮНЕСКА.

У пасяджэнні прынялі ўдзел пасол Рэспублікі Польшча ў Рэспубліцы Беларусь А. Міхальскі; дырэктар Польскага інстытута ў Мінску Ц. Карпіньскі; заслужаны дзеяч культуры, мастацкі кіраўнік “Беларускай капэлы” В. Скорабагатаў; мастацкі кіраўнік трыа “Вытокі” А. Фралоў; старшыня беларускага аб’яднання ICOM Т. Бембель; музыказнаўца В. Савіцкая; старшыня Беларускага саюза мастакоў Р. Сітніца; музыказнаўца С. Немагай; дырэктар Беларускага фонду культуры Т. Стружэцкі; даследчык творчасці С. Манюшкі, перакладчык Я. Янушкевіч; дырэктар Чэрвеньскага краязнаўчага музея А. Забаронак.

Падчас мерапрыемства вядучы бібліёграф інфармацыйна-аналітычнага аддзела Нацыянальнай бібліятэкі Беларусі Юлія Амосава прадставіла праект “Станіслаў Манюшка. Музычны рамантык з Міншчыны” – агульнадаступны бясплатны інфармацыйны рэсурс, які знаёміць з жыццёвым шляхам і творчай спадчынай славутага кампазітара, пастаноўкамі твораў С. Манюшкі на беларускай сцэне, а таксама з ушанаваннем яго памяці ў Беларусі.

Віртуальны праект уключае вялікі аб’ем бібліяграфічнай, фактаграфічнай, выяўленчай і аўдыявізуальнай інфармацыі з фондаў Нацыянальнай бібліятэкі. Карыстальнікаў зацікавяць алічбаваныя нотныя і кніжныя выданні XIX стагоддзя, а таксама магчымасць праслухаць фрагменты твораў С. Манюшкі ў выкананні сучасных музыкантаў.

У праекце прадстаўлены каштоўныя фотаматэрыялы з фондаў Нацыянальнага гістарычнага музея Рэспублікі Беларусь, Дзяржаўнага музея гісторыі тэатральнай і музычнай культуры Рэспублікі Беларусь, Беларускай дзяржаўнай акадэміі музыкі і Цэнтральнай навуковай бібліятэкі НАН Беларусі.

Матэрыял прадастаўлены інфармацыйна-аналітычным аддзелам.

Навіны

Калядная зорка

4 Сне 2020

Новы год і Раство – бадай што самыя чаканыя даты сусветнага календара. Нягледзячы на тое, што для паловы насельніцтва нашай планеты гэтыя святы прыпадаюць на халодную пару года, складана прыгадаць больш цёплую і ўтульную атмасферу ў дамах і на вуліцах.

Кніжныя выстаўкі

4 Сне 2020

Выдавецкі дом “Звязда” зноў радуе чытачоў новымі кнігамі. Распавядзём пра чатыры навінкі. Тэматычны дыяпазон часткова класічны: дзіцячыя кнігі і літаратура пра вайну, аднак адно з выданняў – даніна памяці адметнаму беларускаму паэту, які, на жаль, даволі рана пайшоў з жыцця.

Навіны бібліятэк

3 Сне 2020

28 лiстапада 1923 года ў мiнскiм камсамольскiм клубе «КIМ» сабралiся шэсць маладых пiсьменнiкаў: Мiхась Чарот, Анатоль Вольны, Алесь Дудар, Андрэй Александровiч, Язэп Пушча – i вырашылi стварыць лiтаратурнае аб'яднанне, якое ўвойдзе ў гiсторыю беларускай лiтаратуры пад назвай «Маладняк».

Да 100-годдзя літаб'яднання "Маладняк"

28 Ліс 2020

“Маладняк” – цяпер так магла б абазвацца якая-небудзь каляфутбольная брыгада з прэтэнзіяй, а 95 гадоў таму маладыя літаратары назвалі так сваё аб’яднанне. У шэрагах “Маладняка” былі такія вядомыя пісьменнікі, як Міхась Чарот, Анатоль Вольны, Міхась Лынькоў, Кандрат Крапіва, Пятро Глебка, Алесь Дудар, Міхась Зарэцкі, Кузьма Чорны, Ян Скрыган, Пятрусь Броўка, Уладзімір Дубоўка, Язэп Пушча і многія іншыя. Маладыя, моцныя, амбітныя і таленавітыя творцы з неймавернай энергіяй узяліся за справу стварэння новай культуры. Пры гэтым іх інтарэсы не абмяжоўваліся выключна літаратурай.

Да 100-годдзя літаб'яднання "Маладняк"

5 снежня спаўняецца 80 гадоў ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы Марыі Уладзіміраўне Сокал

5 Сне 2020

Нарадзілася Марыя Уладзіміраўна ў в. Падлессе Ляхавіцкага раёна Брэсцкай вобласці. Скончыўшы ў 1957 годзе сярэднюю школу, яна паступіла ў Мінскі дзяржаўны педагагічны інстытут імя М. Горкага (цяпер – Беларускі дзяржаўны педагагічны ўніверсітэт імя М. Танка).

Партрэты: гісторыя бібліятэкі ў асобах

111