Нацыянальная бібліятэка Беларусі – вольная прастора для творчасці і ідэальнае месца для правядзення кіна-, відэа-, фотасэсій і рэалізацыі любых крэатыўных сцэнарных планаў.
Здымкі ў інтэр'ерах бібліятэкі адкрываюць прастору для эксперыментаў са стылем, асвятленнем і настроем.
Празрыстыя падлогі і масткі, зялёныя куткі і дворыкі, мастацкі роспіс і металакераміка, графіка і вітражы, пейзажы і дэкаратыўна-прыкладныя работы, асаблівы светлавы каларыт, які спалучае натуральнае і штучнае асвятленне, аб'ём і глыбіня прасторы, прыгожыя віды з панарамных вокнаў на ландшафт паркавай зоны Сляпянскай воднай сістэмы, гарадскі пейзаж, праспект Незалежнасці – усё гэта і многае іншае дапаможа рэалізаваць любую творчую ідэю.
Каб падаць заяўку на здымкі, напішыце нам па электроннай пошце pr@nlb.by, адзначыўшы:
- дату і час здымак;
- колькасць чалавек у здымачнай групе;
- працягласць здымак;
- пералік патрэбных памяшканняў бібліятэкі;
- кантактныя даныя.
Супрацоўнік бібліятэкі звяжацца з вамі, каб узгадніць усе тэхнічныя дэталі, распавесці аб правілах прадастаўлення паслугі.
Нашы перавагі:
- зручнае размяшчэнне будынка бібліятэкі;
- прасторныя разнапланавыя пляцоўкі ўнутры будынка, уключаючы панарамны ліфт, адкрытыя балконы, двухузроўневыя памяшканні, фантаны.
Здымкі на тэрыторыі Нацыянальнай бібліятэкі Беларусі праводзяцца на платнай аснове.
Паслуга "Суправаджэнне здымачнай групы ў інтэр'ерах Нацыянальнай бібліятэкі Беларусі" прадастаўляецца юрыдычным і фізічным асобам.
Вызначыцца з выбарам пляцовак для здымак дапаможа віртуальная экскурсія па бібліятэцы.
Будзем рады супрацоўніцтву!
Прэс-служба Нацыянальнай бібліятэкі Беларусі:
тэл. (017) 293 27 67, 293 27 56,
тэл./факс (017) 293 25 81,
е-mail: pr@nlb.by