Святочныя мерапрыемствы, прысвечаныя 130-годдзю з дня нараджэння народных паэтаў Беларусі Янкі Купалы і Якуба Коласа, працягваюцца не толькі ў нашай краіне.
Днямі яны ладзіліся ў сталіцы Малдовы – Кішынёве. Арганізатарамі выступілі беларуская абшчына ў Рэспубліцы Малдова сумесна з пасольствам нашай дзяржавы ў Малдове.
У лістападзе адбыўся творчы вечар, прысвечаны Янку Купалу і Якубу Коласу, а нядаўна ў малдоўскай сталіцы адкрылася выстаўка “Беларусь мая сінявокая”. На ёй прадстаўлены карціны Вячаслава Ігнаценкі і фатаграфічныя творы Ганны Мазур. Акцыя ладзіцца ў Дэпартаменце міжэтнічных адносін Рэспублікі Малдова.
– Творчасць Янкі Купалы і Якуба Коласа не страчвае актуальнасці і ў нашы дні, – адзначыў старшыня Беларускай абшчыны ў Малдове Юрый Статкевіч. – Тым больш прыемна бачыць, як цудоўныя работы нашых мастакоў перагукаюцца з вобразамі і радкамі твораў Песняроў…
Таксама ў Міжнародным незалежным універсітэце Малдовы адкрылася Нацыянальная аўдыторыя Беларусі з нагоды 20-годдзя ўстанаўлення дыпламатычных адносін паміж Беларуссю і Малдовай. Ва ўрачыстай цырымоніі адкрыцця прынялі ўдзел Надзвычайны і Паўнамоцны Пасол Беларусі ў Малдове Вячаслаў Асіпенка, намеснік міністра замежных спраў і еўрапейскай інтэграцыі Малдовы Андрэй Папоў, рэктар універсітэта Андрэй Галбен, сябры Беларускай абшчыны Малдовы.
А 16–18 лістапада ў некаторых гарадах Эстоніі пры садзейнічанні Пасольства Рэспублікі Беларусь у Эстонскай Рэспубліцы прайшлі літаратурна-музычныя вечары, прысвечаныя 100-годдзю з дня нараджэння беларускага паэта Максіма Танка.
Удзельнікі імпрэз у гарадах Сіламяэ, Нарва, Талін пазнаёміліся з біяграфіяй і творчасцю паэта, пабывалі на выступленнях Нацыянальнага акадэмічнага народнага аркестра Рэспублікі Беларусь імя І. Жыновіча.
Крыніца: газета “Культура”
Чытайце таксама:
- Прысвячаецца Песнярам
- Конкурс на лучший перевод Купалы и Коласа на китайский язык
- В Киеве отметили юбилеи Купалы и Коласа
- Празднование юбилеев Коласа и Купалы вышло далеко за пределы Беларуси
- Кітайскі перакладчык малюе беларускіх класікаў
- Мерапрыемствы бібліятэк, прысвечаныя Купале і Коласу
- “Прыехаў Купала…”
- Янка Купала і Якуб Колас у творчасці пісьменнікаў Магілёўшчыны
- Выставка расскажет историю дружбы Купалы и Коласа
- Пісьменніцкія алеі ў сталічным парку
- В Молдове пройдут вечера памяти белорусских поэтов, писателей и музыкантов
- Открылась выставка “Песняры зямлі беларускай”
- Выстаўка ў Расіі прысвечана Я. Купале і Я. Коласу
- И посадить свое дерево
- Літаратурная вандроўка “Шляхамі паэтаў”
- В Молдове широко отметят 130-летие со дня рождения Купалы и Коласа
- Утвержден план мероприятий к юбилею Я. Купалы и Я. Коласа
- О мероприятиях к юбилею Янки Купалы и Якуба Коласа
- Праект плана мерапрыемстваў да юбілею Янкі Купалы і Якуба Коласа
- Выдадзены зборнік “Купала і Колас, вы нас гадавалі”
- Конкурс на создание проекта памятника Я. Купале и Я. Коласу в Варшаве
- О памятнике классикам белорусской литературы в Варшаве
