З 19 чэрвеня, дня нараджэння народнага пісьменніка Беларусі Васіля Быкава, у бібліятэцы сайта lit-bel.org можна спампаваць кнігі з яго Поўнага збору твораў.
Спампаваць кнігі можна ў фармаце .ePub абсалютна вольна.
Аповесці, раман, кінасцэнарыі, апавяданні, публіцыстыка і мемуарная проза – усё з апублікаванай на цяперашні момант спадчыны Васіля Уладзіміравіча.
Як паведамляецца на сайце "Саюза беларускіх пісьменнікаў", з Поўнага збору твораў Васіля Быкава ў 14-ці тамах, запачаткаванага ў 2005 годзе, выйшла толькі дзесяць.
Акцыя прымеркавана да дзён памяці Быкава. Пісьменнік-франтавік нарадзіўся 19 чэрвеня 1924 года ў вёсцы Бычкі Ушацкага раёна, а памёр 22 чэрвеня 2003 года ў Бараўлянах пад Мінскам.
20 чэрвеня ў Бычках адбылося ўручэнне прэміі “За свабоду думкі” імя Васіля Быкава. Сёлета прэмію атрымаў народны паэт Беларусі Ніл Гілевіч. Вёў цырымонію аўтар праграмы “Падарожжы дылетанта” Юры Жыгамонт, у праграме прагучала выступленне Лявона Вольскага.
22 чэрвеня Дзяржаўны музей гісторыі беларускай літаратуры прадставіў літаратурна-дакументальную выстаўку “Васіль Быкаў. Доўгая дарога дадому…”, у аснову якой пакладзена апошняя прыжыццёвая кніга Васіля Уладзіміравіча “Доўгая дарога дадому…”. Экспазіцыя раскрывае тэму жыццёвага і творчага шляху пісьменніка, распавядае пра найбольш яркія старонкі яго біяграфіі.
У рамках мерапрыемства адбылася прэзентацыя кнігі Міхася Тычыны “Народ і вайна”, а таксама кніг з серыі “Дзеці вайны” (выдавецтва “Чатыры чвэрці”) – “Хлеб для партызанаў” Міхася Пазнякова і “Няма даравання вайне” Ніны Галіноўскай. Таксама дэманстраваўся дакументальны фільм “Я раскажу вам пра вайну” – успаміны Васіля Быкава пра вайну (аўтар сцэнарыя Уладзімір Халіп, рэжысёр Сяргей Ісакаў). Мерапрыемства “Я раскажу вам пра вайну…”, прысвечанае 70-годдзю Вялікай Перамогі, прайшло ў мінскай бібліятэцы № 14 імя Францішка Багушэвіча.
Чытайце таксама:
- Свет «Альпийской баллады»
- IX Гарадзенскія навуковыя чытанні
- О даче-музее Василя Быкова
- 8 цитат Василя Быкова
- «Пайсці – і вярнуцца»
- 22 июня – день памяти Василя Быкова
- Гуманитарий войны
- У госці да Быкава
- Долгая дорога домой
- Сувязны паміж мінулым і будучым
- Фильм «В тумане» во французском Лионе
- Савецкія цэнзары зрабілі 200 купюр у аповесці Васіля Быкава
- В музее показали паспорт Быкова и черновики юного Гилевича
- Виртуальная выставка, посвящённая памяти Василя Быкова
- И снова было воскресенье, как тогда, в 41-м
- Фильм «В тумане» в американском прокате
- Музей-дача Быкова просит поделиться экспонатами
- Выбрано 100 книг для внеклассного чтения
- Нашелся чемодан рукописей
- Класіка беларускай літаратуры ўпрыгожыла брэсцкія аўтобусы
- Съемки фильма «В тумане» завершены
- Кітайскія адкрыцці беларускай літаратуры
- Пяць краін. Адзін Васіль Быкаў
- Фильм Лозницы по повести Быкова выйдет в 2012 году
- Экранизируются две повести Быкова
- 19 июня – день рождения Василя Быкова