22 снежня 2008 года Гомельская абласная універсальная бібліятэка імя В.І. Леніна святкуе свой 80-гадовы юбілей.
Сёння Гомельская абласная універсальная бібліятэка імя В.І. Леніна займае ганаровае месца сярод культурна-асветніцкіх устаноў рэгіёна, з’яўляецца метадычным цэнтрам для больш за семсот публічных бібліятэк вобласці. Яна ўдзельніца шматлікіх яркіх праектаў і праграм, накіраваных на захаванне нацыянальнай спадчыны, пашырэнне доступу да інфармацыі, мадэрнізацыю бібліятэчнай дзейнасці і прадстаўленне карыстальнікам новых паслуг.
Дасягненні бібліятэкі – гэта вынік карпатлівай працы яе калектыву – высокакваліфікаваных спецыялістаў ў галіне бібліятэчнай справы, якія, захоўваючы свае традыцыі, смела ідуць па шляху пераўтварэнняў і развіцця, адкрываюць новыя далягляды і перспектывы для асваення інфармацыйнай прасторы.
Жадаем калектыву бібліятэкі моцнага здароўя, дабрабыту, шчасця, удачы, прафесійных поспехаў, натхнення, ажыццяўлення ўсіх творчых задум.
