5–6 верасня ў Бялынічах адбудзецца дваццаць XXVII Дзень беларускага пісьменства. Намеснік міністра інфармацыі Ігар Бузоўскі абазначыў асноўныя тэматычныя пункты свята: год малой радзімы, 75-годдзе Вялікай Перамогі і 90-годдзе Уладзіміра Караткевіча. Праграма распрацавана на падставе прапаноў, якія гучалі ад аргкамітэта, і з улікам сённяшняй эпідсітуацыі.
– Горад гатовы да прыёму гасцей, – паведаміў намеснік старшыні Магілёўскага аблвыканкама Валерый Малашка. – Праведзены рэканструкцыя і рамонт жыллёвага фонду, інфраструктуры горада, транспартных магістралей. У нас з’явіліся веладарожкі, сучаснае асвятленне.
Бялынічы гатовы да прыёму гасцей
Урачыстае адкрыццё свята адбудзецца ў тэматыцы беларускага тэксту. У мастацкай канцэпцыі выкарыстаны краязнаўчыя матэрыялы, паданні і гістарычныя падзеі бялыніцкага краю, гісторыя развіцця беларускага тэксту, а таксама літаратурная спадчына пісьменніка Уладзіміра Караткевіча. Галоўным мерапрыемствам на адкрыцці будзе цырымонія ўзнагароджання пісьменнікаў, якія атрымаюць Нацыянальную літаратурную прэмію.
Жамчужынай свята стане музей Вітольда Бялыніцкага-Бірулі, што з’явіўся ў горадзе 50 гадоў таму дзякуючы жонцы мастака, якая перадала частку яго спадчыны Бялыніцкаму раёну. Калекцыя размяшчалася ў будынку старога кінатэатра, не прызначанага для захоўвання карцін.
– Таму было прынята рашэнне аб рэканструяванні будынка, каб палотны, перададзеныя сям’ёй мастака, і калекцыя з Нацыянальнага мастацкага музея Беларусі знайшлі свой сучасны дом і мы змаглі выстаўляць культуру і мастацтва нашай краіны, тых вялікіх мастакоў – выхадцаў з бялыніцкай зямлі, – падзяліўся Валерый Малашка.
Музей абсталяваны ўсімі сучаснымі тэхналогіямі. Невідушчыя могуць сузіраць карціны, пабудавана безбар’ернае асяроддзе і зроблена ўсё для таго, каб людзям з асаблівасцямі фізічнага развіцця былі даступны культура і мастацтва.
У працэсе рэканструкцыі і будаўніцтва музея была вырашана важная праблема. У 1970-я перад узрывам мясцовага касцёла два архітэктары Мінскрэстаўрацыі здзейснілі грамадзянскі подзвіг: у халодныя лістападаўскія дні, намачыўшы клейстарам і крухмалам марлю, яны рыдлёўкай знялі тры фрэскі, якія засталіся ад касцёла. Фрэска “Праабражэнне Гасподняе” знайшла свой дом у абласным мастацкім музеі Масленікава. Другую фрэску, “Узыходжанне на Галгофу”, атрымалася аднавіць. Сёння яе дэманструюць у зале духоўнасці мастацкага музея.
У межах свята на фестывалі кнігі і прэсы будзе дадзены старт гістарычнай квэст-гульні “Скарб князя Гальшанскага”. А ўвечары 5 верасня адбудзецца хрэсны ход удзельнікаў рэспубліканскай навукова-асветніцкай экспедыцыі “Дарога да святыняў” з жыватворным агнём ад труны Гасподняй.
Цырымонія закрыцця свята пройдзе ў канцэпцыі “Як ствараліся традыцыі малой радзімы”. Гасцей і ўдзельнікаў чакаюць мерапрыемства-экспедыцыя “Дарога да святыняў”, навукова-практычная канферэнцыя “Бялыніцкія чытанні”, падвядзенне вынікаў і дэманстрацыя ролікаў конкурсу буктрэйлераў “Кніга з экрана”, які на працягу года праводзіўся БРСМ сумесна з Міністэрствам інфармацыі і Саюзам пісьменнікаў Беларусі. Напрыканцы свята адбудзецца перадача Дня беларускага пісьменства гораду Капылю Мінскай вобласці.
Праграма XXVII Дня беларускага пісьменстваАўтар публікацыі: Сяргей Грудніцкі.
Крыніца: СБ – Беларусь сегодня