ГалоўнаяПаслугiВіртуальныя сервісыВіртуальны цэнтр па дзейнасці міжнародных арганізацыйМіжнародныя адукацыйныя і навуковыя праграмы, стыпендыі, грантыМіжнародныя праграмы, стыпендыі, гранты для выкладчыкаў

Міжнародныя праграмы, стыпендыі, гранты для выкладчыкаў

У гэтым раздзеле прапануецца інфармацыя пра замежныя і міжнародныя праграмы стыпендыяльнай падтрымкі для выкладчыцкай, навукова-даследчай дзейнасці, прафесійнай стажыроўкі выкладчыкаў за мяжой, у якіх могуць удзельнічаць грамадзяне Рэспублікі Беларусь.

Азнаямленчыя паездкі студэнцкіх груп у Германію (праграма Германскай службы акадэмічных абменаў)

Фінансуюцца паездкі ў Германію груп студэнтаў пад кіраўніцтвам выкладчыка ВНУ з мэтай правядзення сустрэч з нямецкімі студэнтамі і вучонымі, устанаўлення кантактаў з ВНУ, арганізацыямі і ўстановамі, цікавымі з прафесійнага пункта гледжання, а таксама для атрымання краіназнаўчых ведаў пра Германію.

Прыём заявак да 1 лютага, 1 мая і 1 лістапада 2020 года.

Навуковыя стажыроўкі ў Германіі для выкладчыкаў ВНУ і вучоных (праграма Германскай службы акадэмічных абменаў)

Стыпендыя прызначана для праходжання кароткатэрміновай (1–3 месяцы) навуковай стажыроўкі ва ўніверсітэтах ці навуковых цэнтрах Германіі для абмену вопытам, расшырэння і ўмацавання кантактаў з калегамі. Да ўдзелу ў конкурсе дапускаюцца выкладчыкі ВНУ і паспяховыя вучоныя, якія, як правіла, павінны мець ступень кандыдата навук.

Прыём заявак да 16 лістапада 2020 года.

Нацыянальная стыпендыяльная праграма Славацкай Рэспублікі

Стыпендыя ўрада Славацкай Рэспублікі створана для падтрымкі мабільнасці замежных студэнтаў і выкладчыкаў ВНУ, аспірантаў, навуковых супрацоўнікаў і дзеячаў мастацтва і вылучаецца для праходжання вучэбнай, выкладчыцкай, навукова-даследчай або мастацкай стажыроўкі ў ВНУ і навукова-даследчых арганізацыях Славакіі.

Прыём заявак:

  • да 31 кастрычніка – для стажыроўкі на працягу летняга семестра бягучага навучальнага года;
  • да 30 красавіка – для стажыроўкі на працягу наступнага навучальнага года.

Праграма запрошаных прафесараў Універсітэта Мачэраты 2021–2022

Дэпартамент права ўніверсітэта г. Мачэрата пры падтрымцы Міністэрства ўніверсітэтаў і даследаванняў (Італія) запрашае да ўдзелу ў праграме акадэмічнай мабільнасці навукоўцаў з пацверджаным выкладчыцкім і даследчым досведам з замежных універсітэтаў і навукова-даследчых арганізацый. Праграма ўключае выкладанне і магчымае супрацоўніцтва з даследчымі праектамі Дэпартамента права ў 2021–2022 акадэмічным годзе.

Прыём заявак да 15 студзеня 2021 года.

Стажыроўкі для выкладчыкаў ВНУ – творчыя спецыяльнасці і архітэктура (праграма Германскай службы акадэмічных абменаў)

Стыпендыя прызначана для праходжання стажыроўкі (ад 1 да 3 месяцаў) у ВНУ Германіі з мэтай развіцця супрацоўніцтва ў галіне мастацтва. Заяўкі прымаюцца ад выкладчыкаў наступных спецыяльнасцей ВНУ: архітэктура, выяўленчае мастацтва, кінематаграфія, дызайн, візуальная камунікацыя, выканальніцкае мастацтва, музыка.

Прыём заявак да 16 лістапада 2020 года.

111