Новыя кнігі: па старонках беларускага друку

Адказны за выпуск – Ліхімовіч В.У.

Два раздзелы штомесячнага ўніверсальнага бібліяграфічнага бюлетэня – “Навінкі беларускага друку” і “У полі зроку рэцэнзента” – інфармуюць пра новыя кнігі беларускіх выдавецтваў, што паступілі ў фонд Нацыянальнай бібліятэкі Беларусі, найбольш значныя артыкулы з рэспубліканскай перыёдыкі, а таксама рэцэнзіі на беларускія выданні. Бібліяграфічныя паведамленні выбарачна дапаўняюцца анатацыямі, у якіх звяртаецца ўвага на гістарычны перыяд, геаграфічныя назвы або біяграфічныя звесткі. Усе беларусазнаўчыя матэрыялы знаходзяць адлюстраванне ў дапаможных паказальніках – персанальным, геаграфічным і прадметным, якія штогод змяшчаюцца ў апошнім нумары выдання.

У якасці дадаткаў друкуюцца бібліяграфічныя спісы або агляды, прысвечаныя значным гістарычным падзеям і актуальным пытанням сучаснага развіцця Беларусі, “Беларускі каляндар, ... год”, а таксама матэрыялы да юбілеяў выдатных дзеячаў краіны, шэрагу арганізацый і ўстаноў, якія складаюць аснову эканомікі, культуры, навукі і асветы Беларусі.

Бюлетэнь прызначаны ў дапамогу прафесійнай дзейнасці работнікаў бібліятэк, іншых культурных і асветных устаноў, а таксама студэнтам, навучэнцам і ўсім неабыякавым да гісторыі, культуры і сучаснага жыцця сваёй краіны і тым, хто адчувае неабходнасць аператыўна атрымліваць патрэбную інфармацыю для павышэння агульнай і прафесійнай адукацыі, самаадукацыі і арганізацыі вольнага часу.

Тэмы дадаткаў на 2011 г.:

№ 1. Даты беларускага календара (сакавік – красавік 2011 г.).
№ 2. “Боль Чарнобыля: урокі праз 25 гадоў”.
№ 3. Даты беларускага календара (май – чэрвень 2011 г.).
№ 4. “Нябесная заступніца зямлі Беларускай”: да 910-годдзя з дня нараджэння Еўфрасінні Полацкай.
№ 5. Даты беларускага календара (ліпень – верасень 2011 г.).
№ 6. Даты беларускага календара (кастрычнік 2011 г.).
№ 7. “І зорка гарыць, і не вяне вянок”: да 120-годдзя з дня нараджэння М. Багдановіча.
№ 8. “Беларускі каляндар, 2012 год”. Частка 1.
№ 9. “Беларускі каляндар, 2012 год”. Частка 2.
№ 10. Даты беларускага календара (лістапад – снежань 2011 г., студзень – красавік 2012 г.).
№ 11. “Псіхалагічныя веды – педагогу”.
№ 12. Дапаможныя паказальнікі да раздзела “Навінкі беларускага друку”.

Падпіска на часопіс праводзіцца па каталогу Белпошты 2010 г. “Газеты и журналы Республики Беларусь”. Індэксы выдання – 74972, 749722.

Выдавецкую прадукцыю Нацыянальнай бібліятэкі Беларусі можна набыць па падпісцы або купіць у кіёску бібліятэкі, размешчаным на 1-м паверсе каля галоўнага ўвахода.