Новыя кнігі: па старонках беларускага друку

Адказны за выпуск Ліхімовіч В.У.

Штомесячны ўніверсальны бібліяграфічны бюлетэнь інфармуе пра новыя кнігі беларускіх выдавецтваў, што паступілі ў фонд Нацыянальнай бібліятэкі Беларусі, найбольш значныя артыкулы з рэспубліканскай перыёдыкі, а таксама рэцэнзіі на беларускія выданні.

Бібліяграфічныя паведамленні выбарачна дапаўняюцца анатацыямі, у якіх звяртаецца ўвага на гістарычны перыяд, геаграфічныя назвы або біяграфічныя звесткі.

Усе беларусазнаўчыя матэрыялы знаходзяць адлюстраванне ў дапаможных паказальніках – персанальным, геаграфічным і прадметным, якія штогод змяшчаюцца ў апошнім нумары выдання. У якасці дадаткаў друкуюцца біяграфічныя спісы або агляды, прысвечаныя значным гістарычным падзеям і актуальным пытанням сучаснага развіцця Беларусі, “Беларускі каляндар, … год”, а таксама матэрыялы да юбілеяў выдатных дзеячаў краіны, шэрагу арганізацый і ўстаноў, што складаюць аснову эканомікі, культуры, навукі і асветы Беларусі.

Прызначаны ў дапамогу прафесійнай дзейнасці работнікаў бібліятэк, іншых культурных і асветных устаноў, а таксама студэнтам, навучэнцам і ўсім неабыякавым да гісторыі, культуры і сучаснага жыцця сваёй краіны, тым, хто адчувае неабходнасць аператыўна атрымліваць патрэбную інфармацыю для павышэння агульнай і прафесійнай адукацыі, самаадукацыі і арганізацыі вольнага часу.

Тэмы дадаткаў на 2013 г.:
№ 1. Даты беларускага календара (сакавік – красавік 2013 г.; 8 дат).
№ 2. Даты беларускага календара (май – чэрвень 2013 г.; 8 дат).
№ 3. Магілёў – культурная сталіца Беларусі і СНД 2013 года.
№ 4. Гісторыка-культурны патэнцыял Беларусі.
№ 5. Даты беларускага календара (ліпень – жнівень 2013 г.; 14 дат).
№ 6. Даты беларускага календара (верасень – кастрычнік 2013 г.; 8 дат).
№ 7. Фестывальны рух Беларусі.
№ 8. Беларускі каляндар, 2014 год. Частка 1.
№ 9. Беларускі каляндар, 2014 год. Частка 2.
№ 10. Даты беларускага календара (лістапад – снежань 2013 г.; студзень – люты 2014 г.; 14 дат).
№ 11. Даты сусветнага календара (юбіляры 2014 года).
№ 12. Дапаможныя паказальнікі да раздзела “Навінкі беларускага друку”.

Выдавецкую прадукцыю Нацыянальнай бібліятэкі Беларусі можна набыць па падпісцы або купіць у кіёску бібліятэкі, размешчаным на 1-м паверсе каля галоўнага ўвахода.