Дата правядзення
Час правядзення
Месца правядзення
4 мая дзіцячы пакой запрашае дзяцей 5–10 гадоў на творчыя заняткі “Шмат’ярусны торт”, на якіх яны зробяць аб’ёмную аплікацыю.
На выразаныя палосы з рознакаляровай паперы дзеці наклеяць упрыгажэнні ў выглядзе яблычкаў, выразаных з дапамогай фігурнага дзіраколу, кожны слой торта ўпрыгожаць хвалістымі палоскамі з белай гафрыраванай паперы, якая імітуе крэм. На аснову з кардону прыклеяць торт, пачынаючы з ніжняга яруса, робячы кожны слой аб’ёмным. Галоўным аздабленнем верхавіны торта стане сэрцайка з аксамітнай паперы.
Юныя ўдзельнікі даведаюцца аб прафесіі кандытара і пагуляюць у гульню “Кухцікі”.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
