У рамках праекта “На хвалі часу, у плыні жыцця” Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка” – з мэтай папулярызацыі творчасці беларускага пісьменніка Уладзіміра Дубоўкі праводзіла ў 2020 г. Рэспубліканскі анлайн-конкурс чытальнікаў “О, Беларусь, мая шыпшына”, прымеркаваны да 120-годдзя з дня нараджэння паэта.

Да юбілею пісьменніка Пастаўская раённая дзіцячая бібліятэка імя У. Дубоўкі падрыхтавала міні-энцыклапедыю “Уладзімір Дубоўка” (2020). 24 сакавіка падчас узнагароджання пераможцаў анлайн-конкурсу чытальнікаў выданне было прэзентавана і перададзена ў дар Нацыянальнай бібліятэцы.

Падвядзенне вынікаў анлайн-конкурсу чытальнікаў “О, Беларусь, мая шыпшына!” і прэзентацыя міні-энцыклапедыі

Энцыклапедыя, якая будзе цікавая шырокаму колу чытачоў, у даступнай форме адлюстроўвае жыццёвы і творчы шлях паэта. У кнізе шмат фотаздымкаў У. Дубоўкі і яго родных мясцін. Кожная старонка суправаджаецца эпіграфам – урыўкам з самых вядомых твораў паэта.

Старонкі міні-энцыклапедыі