З 4 сакавіка па 30 красавіка ў зале перыядычных выданняў (пам. 106) праходзіць тэматычная выстаўка “Камп’ютарная эра”.
З’яўленне персанальнага камп’ютара (ПК) справядліва лічаць грандыёзнай навукова-тэхнічнай рэвалюцыяй, параўнальнай па маштабах з вынаходніцтвам радыё. Чаму? Справа ў тым, што старыя ЭВМ былі аддзеленыя ад масавага карыстальніка, з імі працавалі толькі спецыялісты. Нараджэнне ПК зрабіла ЭВМ масавым інструментам.
Яшчэ некалькі гадоў назад сітуацыя “адзін камп’ютар – многа карыстальнікаў” была паўсюднай. Цяпер можна заўважыць, што шматлікія карыстальнікі, якія маюць настольную сістэму, валодаюць яшчэ і ноўтбукам, і кішэнным персанальным камп’ютарам, і гульнявой прыстаўкай, не кажучы ўжо пра самы распаўсюджаны выпадак “камп’ютар на працы – камп’ютар дома”. На думку Microsoft, з ростам прадукцыйнасці партатыўных сістэм і паніжэннем іх кошту такая сітуацыя стане паўсюднай.
Персанальны камп’ютар радыкальна змяніў метады руціннай і творчай працы амаль ва ўсіх сферах жыцця і дзейнасці чалавека. Заканамерным становіцца ўкараненне камп’ютара ў сістэмы тэхнічнага кіравання механізмамі, станам здароўя чалавека, адміністрацыйнага кіравання… Пра гэта і многае іншае распавядаюць публікацыі з перыядычных выданняў “Компьютер-пресс”, “Вы и ваш компьютер”, “Мир ПК”, “Директор”, “Наука и инновации”, “Компьютерная газета”, прадстаўленыя на выстаўцы.
Профільных спецыялістаў зацікавяць артыкулы ў такіх часопісах, як “Экономика. Финансы. Управление”, “Веснік адукацыі”, “Финансы, учет, аудит”, “Веснік сувязі”, “Вестник Ассоциации белорусских банков”, “Технология безопасности”, “Юрист” і многіх іншых.
Усяго экспазіцыя налічвае звыш 40 перыядычных выданняў.
Кантактны тэлефон: (8 017) 293 25 87.