З 28 лістапада па 18 снежня 2008 года ў зале выяўленчых і відэадакументаў (пам. 307) адкрыта тэматычная выстаўка “На Ветцы жыць добра…”, прысвечаная 30-годдзю з дня заснавання Веткаўскага музея народнай творчасці.
На выстаўцы прадстаўлена больш за 70 дакументаў – альбомы, кнігі, артыкулы, паштоўкі, рэпрадукцыі.
Унікальны музей у Ветцы сведчыць пра дзівоснае майстэрства нашых продкаў, багацце іх фантазіі. Калекцыя музея складае каля 8,5 тыс. экспанатаў, якія характарызуюць культуру і побыт, народнае традыцыйнае мастацтва і рамёствы Веткаўшчыны. Сярод экспанатаў – рукапісы XVI–XX стст, старажытныя друкаваныя кнігі, унікальныя прорысы XVII–XIX стст., іконы XVII–XX стст.,старажытная і сучасная разьба па дрэве, чаканка і гравіроўка па метале, ліццё, шыццё золатам, бісерам, жэмчугам, збор меднага посуду і самавараў, узоры мастацкага ткацтва, народных касцюмаў, вышыўкі.
Экспазіцыя адрасаваная ўсім, хто цікавіцца культурнай спадчынай аднаго з самых цікавых куткоў Беларусі.
Кантактны тэлефон: 293-27-58.