З 12 кастрычніка па 12 лістапада ў бібліятэцы (2-і паверх, кальцавы калідор) арганізавана кніжная выстаўка “Пяшчотная, мілая, добрая”, прымеркаваная да Дня маці (14 кастрычніка).
Лёс кожнага чалавека звязаны з імем маці – увасабленнем пяшчоты і цеплыні. Матчына любоў нараджае ў нас дабрыню і жаданне змяняць жыццё да лепшага.
У розных краінах Дзень маці адзначаюць у розны час. У Беларусі ён супадае з вялікай праваслаўнай урачыстасцю – Пакровам Прасвятой Багародзiцы – і святкуецца 14 кастрычніка.
Дзень маці дапамагае нам яшчэ мацней адчуць веліч і святасць найважнейшага прызначэння жанчыны, звязанага з нараджэннем і выхаваннем дзяцей, усвядоміць яе велізарную ролю ў захаванні і ўмацаванні духоўных каштоўнасцей, маральных ідэалаў. Стваральная роля маці, пазітыўныя жыццёвыя арыенціры ў дзяцей – гэта тыя асновы, без якіх немагчыма ўмацаванне прэстыжу сям’і, духоўнае ўзнаўленне грамадства.
У экспазіцыі прадстаўлена каля 150 сучасных выданняў, якія асвятляюць самыя важныя для кожнай клапатлівай маці тэмы: выхаванне дзяцей, здаровы лад жыцця, правільнае харчаванне, захаванне сямейных традыцый і звычаяў, планіроўка, абсталяванне і камфортнае ўладкаванне жылля.
Экспазіцыя ўяўляе цікавасць для шырокага кола чытачоў, асабліва маладых мам, якія атрымаюць шмат карысных парад і рэкамендацый.
Тэлефон для даведак: (8 017) 293 29 80.
Да Дня маці Нацыянальнай бібліятэкай Беларусі падрыхтавана таксама віртуальная выстаўка "Першае слова ў кожным лёсе".
 |
 |
 |
 |
 |
 |
 |
 |
 |
 |
 |
 |
 |
 |
 |
