15 мая ў бібліятэцы прайшоў семінар “Функцыянальныя магчымасці электронных сэрвісаў і інструментаў «ZNANIUM»”.
З прывітальным словам да ўдзельнікаў семінара выступіў намеснік генеральнага дырэктара Нацыянальнай бібліятэкі Беларусі Аляксандр Бабук.
Электронна-бібліятэчная сістэма “ZNANIUM” – сучасны адукацыйны рэсурс, які змяшчае поўныя тэксты падручнікаў, вучэбных дапаможнікаў для вышэйшай і сярэдняй спецыяльнай адукацыі; манаграфіі, слоўнікі і даведнікі, спецыяльныя перыядычныя выданні па гуманітарных і прыродазнаўчых навуках, эканоміцы, праве, медыцыне, рэлігіі, педагогіцы і інш.
Спікерам семінара выступіў кіраўнік дэпартамента развіцця ТАА “ЗНАНИУМ” Аляксей Яманаў.
Увазе слухачоў быў прадстаўлены агляд ЭБС “ZNANIUM”. Аляксей Леанідавіч на практыцы прадэманстраваў магчымасці і асаблівасці працы з ЭБС: удзельнікі пазнаёміліся з асноўнымі элементамі навігацыі і пошукавымі сэрвісамі рэсурсу, падрабязна вывучылі рыдар і яго інструменты для эфектыўнай працы.
Асаблівая ўвага была нададзена модулям ЭБС “ZNANIUM”, сярод якіх аналітыка тэкстаў – сумесная распрацоўка Інфра-М і інстытута сістэмнага аналізу РАН, якая дазваляе ажыццяўляць пошук па індэксіруемых рэсурсаў, у тым ліку адкрытага доступу, аналізаваць навуковыя публікацыі, фарміраваць воблака ключавых слоў, шукаць некарэктныя запазычанні.
Сустрэча прайшла ў змешаным фармаце: больш за 55 спецыялістаў бібліятэк з усіх рэгіёнаў Беларусі змаглі далучыцца як анлайн, так і вочна.
Нагадваем, што доступ да ЭБС “ZNANIUM” адкрыты для ўсіх зарэгістраваных карыстальнікаў Нацыянальнай бібліятэкі Беларусі.
Запрашаем у нашы чытальныя залы!
Матэрыял пададзены аддзелам карпаратыўнага ўзаемадзеяння.