Грамадскае аб’яднанне “Беларуская бібліятэчная асацыяцыя” абвясціла рэспубліканскі конкурс “Бібліятэкар года” і запрашае да ўдзелу кіраўнікоў і спецыялістаў бібліятэк.
Конкурс праводзіцца сярод бібліятэкараў і накіраваны на развіццё прафесійнага майстэрства, павышэнне матывацыі і заахвочванне лепшых у прафесіі.
Правядзенне рэспубліканскага конкурсу “Бібліятэкар года” дасць магчымасць павысіць статус бібліятэчнага работніка ў Рэспубліцы Беларусь, палепшыць дасведчанасць грамадства аб прафесіі.
З умовамі ўдзелу ў конкурсе можна азнаёміцца на афіцыйным сайце Беларускай бібліятэчнай асацыяцыі.
Матэрыял пададзены аддзелам сувязей з грамадскасцю.
