26–27 красавіка 2018 г. у Нацыянальнай бібліятэцы Беларусі адбудуцца ХІV Міжнародныя кнігазнаўчыя чытанні, прысвечаныя 400-годдзю выдання першага Буквара.
Запрашаем кнігазнаўцаў, лінгвістаў, літаратуразнаўцаў, культуролагаў, гісторыкаў, філосафаў, выдаўцоў і кнігагандляроў прыняць удзел у канферэнцыі.
Плануемыя тэмы для абмеркавання ў рамках канферэнцыі:
- Асветніцкія традыцыі Беларусі і навучальнае кнігавыданне;
- Рукапісная кніжнасць Беларусі;
- Беларуская рукапісная і друкаваная кніга ў айчынных і замежных зборах;
- Беларускія друкарні XVI–XVIІІ стст.;
- Беларуская кніга ХIХ–ХХ стст.;
- Сучасная беларуская кніга;
- Мастацкае афармленне рукапіснай і друкаванай кнігі;
- Бібліяграфічны ўлік кніжных помнікаў Беларусі;
- Кніга ў сучасным сацыякультурным і інфармацыйным асяродку.
Больш падрабязная інфармацыя аб кнігазнаўчых чытаннях і рэгістрацыя ўдзельнікаў – на сайце канферэнцыі.
