НП "Бібліятэчная асамблея Еўразіі" аб'яўляе конкурс на лепшы бібліятэчны праект "Развіццё міжкультурных і прафесійных сувязей бібліятэк краін СНД".
Мэты і задачы конкурсу: выяўленне перадавога вопыту, найбольш яркіх ідэй і творчых ініцыятыў у галіне міжкультурнага і прафесійнага дыялогу бібліятэк краін СНД; развіццё прафесійных і культурных камунікацый паміж бібліятэкамі; выяўленне маладых лідэраў у бібліятэчнай справе краін СНД.
У Рэспубліцы Беларусь арганізацыю і правядзенне конкурсу на рэспубліканскім узроўні ажыццяўляе Нацыянальная бібліятэка Беларусі – член НП "Бібліятэчная асамблея Еўразіі" (БАЕ).
Лепшы праект будзе накіраваны ў дырэкцыю БАЕ для ўдзелу ў заключным этапе конкурсу. Пераможцаў абвесцяць у сакавіку 2011 г. Вынікі будуць апублікаваны на сайце БАЕ.
Матэрыялы на конкурс патрэбна накіроўваць у 2-х друкаваных экзэмплярах і ў электроннай форме на рускай мове на адрас: пр. Незалежнасці, 116, г. Мінск, 220114 і на электронны адрас: bibved@nlb.by. Матэрыялы прымаюцца не пазней за 28 лютага 2011 года.
З падрабязнай інфармацыяй пра ўмовы правядзення конкурсу можна азнаёміцца на партале Нацыянальнай бібліятэкі Беларусі ў падзеле "Прафесійныя конкурсы".
