Яшчэ адна сустрэча аматарскага музычнага салона “Свет класічнай музыкі” са слухачамі адбылася 13 красавіка ў галерэі “Лабірынт”.
Тэма музычна-паэтычнага вечара “Музыка і вершы (рускія)” сабрала ў зале нямала прыхільнікаў. Паэты і кампазітары быццам нябачна злучыліся ў дуэты і разам апявалі прыгажосць, каханне, прыроду, чалавека!
Вершы А. Пушкіна, К. Бальмонта, М. Лермантава, А. Мерзлякова, С. Ясеніна, Г. Ахматавай, тонка перапляталіся з выдатнымі музычнымі творамі С. Рахманінава, М. Метнера, П. Чайкоўскага, А. Скрабіна, М. Глінкі, Д. Шастаковіча, У. Вавілава, ствараючы адзінае цэлае. Такое гарманічнае спалучэнне паэтычных і музычных твораў не пакінула абыякавым нікога з прысутных.
Яркія выступленні ўдзельнікаў канцэрта, у тым ліку супрацоўнікаў нашай бібліятэкі – Крысціны Бруй, Алега Жамана, Алены Сілкінай, Надзеі Мачаловай – выклікалі захапленне і эмацыйную рэакцыю гледачоў. У адрас арганізатараў і артыстаў прагучала нямала ўдзячных водгукаў і пажаданняў абавязкова працягнуць цыкл падобных сустрэч.
Запрашаем усіх жадаючых 19 мая на наступны канцэрт аматарскага музычнага салона, дзе прагучыць музыка з папулярных кінафільмаў.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
