28 сакавіка ў Нацыянальнай бібліятэцы адбылося пасяджэнне калегіі Міністэрства культуры Рэспублікі Беларусь.
У 2024 годзе ім былі разгледжаны заяўкі і матэрыялы прэзентацый аб наданні статусу “Культурная сталіца года” ў 2025 годзе такім гарадам, як Паставы, Салігорск, Іванава, Рагачоў і Масты. Па выніках калегіі ведамства было прынята рашэнне прысвоіць дадзены статус гораду Іванава.
Падчас прэзентацыі гарадоў-прэтэндэнтаў ацэньваўся станоўчы вопыт арганізацыі і правядзення культурных мерапрыемстваў, наяўнасць развітой сацыяльна-культурнай інфраструктуры, сістэмнасць работы па захаванні матэрыяльных і нематэрыяльных гісторыка-культурных каштоўнасцей, захаванне традыцый, звычаяў, фестываляў народнай творчасці, наяўнасць новых культурных праектаў, запланаваных для рэалізацыі ў рамках рэспубліканскай акцыі “Культурная сталіца года”.
Члены журы конкурсу: міністр культуры Рэспублікі Беларусь Анатоль Маркевіч, намеснік міністра культуры Рэспублікі Беларусь Сяргей Саракач, генеральны дырэктар Беларускай дзяржаўнай філармоніі Аляксандр Нікіта, рэктар Беларускай дзяржаўнай акадэміі мастацтваў Міхаіл Баразна, генеральны дырэктар Вялікага тэатра Беларусі Кацярына Дулава, начальнік аддзела па кінематаграфіі Міністэрства культуры Рэспублікі Беларусь Ірына Дрыга, сакратар цэнтральнага камітэта ГА “БРСМ” Вераніка Гудкова, старшыня Беларускага прафсаюза работнікаў культуры, інфармацыі, спорту і турызму Таццяна Філімонава.
Матэрыял пададзены аддзелам сувязей з грамадскасцю.