У каворкінгу бібліятэкі адбылося пасяджэнне раённага вучэбна-метадычнага аб’яднання настаўнікаў працоўнага навучання агульнаадукацыйных школ Першамайскага раёна г. Мінска.
У фармаце круглага стала педагогі абмеркавалі праблемы прафесійнай кампетэнтнасці ў пытаннях асобаснага развіцця і выхавання вучняў на ўроках працы, узнятыя кіраўніком аб’яднання Л.А. Паляшчук.
Спецыялісты аддзела бібліятэчнага абслугоўвання падабралі для ўдзельнікаў пасяджэння дакументы з фондаў бібліятэкі па ключавых тэмах мерапрыемства, расказалі, як скарыстацца, у тым ліку аддалена, інфармацыйнымі рэсурсамі і паслугамі бібліятэкі для развіцця прафесійных ведаў і педагагічнага майстэрства, забеспячэння высокай якасці вучэбна-выхаваўчага працэсу.
Нацыянальная бібліятэка Беларусі запрашае ўстановы адукацыі і іншыя арганізацыі да правядзення адукацыйных мерапрыемстваў з падборам літаратуры па тэме, прэзентацыяй інфармацыйна-бібліятэчных рэсурсаў і паслуг.
Па пытаннях арганізацыі мерапрыемстваў звяртацца па тэлефоне: (8 017) 293 29 04, 293 27 03; e-mail: obo@nlb.by, obo-head@nlb.by.
Матэрыял пададзены аддзелам бібліятэчнага абслугоўвання.
