Чарговая інтэрактыўная лекцыя-канцэрт Музычнай капэлы Цэнтра даследаванняў беларускай культуры, мовы і літаратуры НАН Беларусі “Перад вамі спяваем старадаўнім звычаем” адбылася 26 кастрычніка ў галерэі “Лабірынт”.
Яна была прысвечана музыцы Беларусі эпохі барока і класіцызму і прайшла з вялікім поспехам. У якасці ілюстрацый да лекцыі ў выкананні струннага квартэта, салістаў-вакалістаў і хору прагучала свецкая і духоўная музыка аўтараў XVII–XVIII стагоддзяў, а таксама творы сучасных беларускіх кампазітараў, створаныя ў рэчышчы працэсаў мастацкай рэцэпцыі нацыянальнай музычнай спадчыны.
Слухачы з вялікай цікавасцю ўспрымалі інфармацыю аб традыцыях музіцыравання ў XVII–XVIII стагоддзях на тэрыторыі нашай краіны, з захапленнем прымалі выкананне твораў, а таксама актыўна ўдзельнічалі ў практычным засваенні ўзораў вакальнай лірыкі.
Запрашаем усіх жадаючых на наступны канцэрт “Музыка беларускай сядзібы”, на якім прагучыць музыка беларускіх кампазітараў перыяду рамантызму. Слухачы змогуць развучыць творы і ўзяць удзел у выкананні. Сустрэча адбудзецца 30.11.2023 у 18.30.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
