24 сакавіка ў музеі кнігі адбыўся майстар-клас “Кніга ператварэнняў”, прысвечаны святу Вялікадня.
У музеі ўдзельнікі заняткаў убачылі кнігі, якія здзівілі іх арыгінальнасцю формаў і дапамаглі знайсці свае рашэнні пры стварэнні ўласнай “чароўнай кнігі”. Тэматычна майстар-клас быў прысвечаны Вялікадню – найстаражытнейшаму і самаму важнаму хрысціянскаму святу. Дзеткі змясцілі ў кнігі сімвалы свята, якія могуць рухацца і змяняцца.
Наступны майстар-клас “Кніга ператварэнняў” адбудзецца 31 сакавіка (субота) а 14 гадзіне.
Тэлефоны для даведак і запісу на заняткі: (8 017) 293 27 82, (8 025) 994 21 12.
