14 верасня ў Доме прэсы адбылася прэс-канферэнцыя, прымеркаваная да Дня бібліятэк.
Удзельнікамі мерапрыемства сталі Анастасія Маслоўская – загадчыца сектара навукова-даследчага аддзела бібліятэказнаўства Нацыянальнай бібліятэкі Беларусі; Таццяна Швед – дырэктар ДУ “Цэнтралізаваная сістэма дзіцячых бібліятэк г. Мінска”; Ларыса Верамчук – намеснік дырэктара па асноўнай дзейнасці ДУ “Брэсцкая абласная бібліятэка імя М. Горкага”; Таццяна Барабаншчыкава – намеснік дырэктара ДУ “Гомельская абласная ўніверсальная бібліятэка імя У.І. Леніна”; Вольга Камендантава – намеснік дырэктара па асноўнай дзейнасці ДУ “Віцебская абласная бібліятэка імя У.І. Леніна”; Юлія Касцюк – вучоны сакратар бібліятэкі УК “Магілёўская абласная бібліятэка імя У.І. Леніна”.
Спікеры распавядалі аб дзейнасці сваіх устаноў, знаёмілі з самымі цікавымі праектамі, разважалі на тэму будучыні бібліятэк і бібліятэчнай прафесіі, дзяліліся сваім меркаваннем аб тым, якую ролю бібліятэкі займаюць сёння ў культурным жыцці грамадства. Падчас прэс-канферэнцыі ўдзельнікі адказалі на пытанні журналістаў.
Матэрыял пададзены навукова-даследчым аддзелам бібліятэказнаўства.