У Дзень усенароднай памяці ахвяр Вялікай Айчыннай вайны і генацыду беларускага народа па ўсёй краіне праходзяць патрыятычныя мерапрыемствы памяці. 22 чэрвеня мы ўспамінаем тых, хто цаной свайго жыцця выканаў абавязак па абароне Радзімы, усіх загінуўшых ад рук фашыстаў і памерлых у тыле ад голаду і нястачы.
Каля брацкага пахавання з манументам “Журботная маці” адбыўся тэатралізаваны мітынг-рэквіем, прымеркаваны да памятнай даты. У мерапрыемстве ўзялі ўдзел міністр культуры Анатоль Маркевіч, супрацоўнікі апарату Міністэрства культуры, кіраўнікі і работнікі ўстаноў культуры. Ва ўрачыстай цырымоніі ўскладання кветак удзельнічалі і супрацоўнікі Нацыянальнай бібліятэкі Беларусі.
У гэты памятны дзень супрацоўнікі галоўнай бібліятэкі краіны ўсклалі кветкі і да Вечнага агню на плошчы Перамогі ў Мінску.
Удзячныя нашчадкі ніколі не забудуць мужнасць народа і яго волю да перамогі, якія дапамаглі пераадолець усе нягоды жорсткай вайны і вярнуць мірнае неба нашай Радзіме.
Будзем памятаць заўсёды.
Матэрыял пададзены аддзелам сувязей з грамадскасцю.
