23 лютага ў бібліятэцы адбылася канцэртна-віншавальная праграма “Здравия желаем!”, прысвечаная Дню абаронцаў Айчыны і Узброеных Сіл Рэспублікі Беларусь.
Генеральны дырэктар Нацыянальнай бібліятэкі Беларусі Аксана Кніжнікава павіншавала мужчын са святам і пажадала ім новых поспехаў і дасягненняў, увагі, любві і клопату з боку родных і блізкіх!
Святочны настрой супрацоўнікам падарылі калектыў “Пластычная гімнастыка” Цэнтра дадатковай адукацыі дзяцей і моладзі “Арт” (кіраўнік Венера Неўмяржыцкая), салістка духавога аркестра ГУУС Мінгарвыканкама Вольга Змуршчык, шоу-балет “Феерыя” і люстраное шоу.
Незвычайныя творчыя нумары зарадзілі гледачоў энергіяй і пазітывам, і кожнае выступленне суправаджалася гучнымі апладысментамі.
Дарагія мужчыны! Жадаем вам моцнага здароўя, стойкасці духу і поспехаў у справах. Шчасця і дабрабыту! Са святам!
Матэрыял пададзены аддзелам сувязей з грамадскасцю.