13 студзеня ў дзіцячым пакоі прайшлі творчыя заняткі “Снежны зайка”, на якіх дзеці зрабілі выраб у змешанай тэхніцы.
Выкарыстоўваючы для вырабу белую паперу, вату і шчыльны чорны кардон, удзельнікі зрабілі аб’ёмную карцінку з выявай зайчыка на палянцы. Зайка атрымаўся беласнежным і пушыстым, а россып бліскучых сняжынак стаў завяршальным штрыхом у стварэнні зімовага пейзажу.
Дзеці з цікавасцю паслухалі вершы і песні пра зіму і пагулялі ў вясёлую рухавую гульню “Сняжок”.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.