21 лютага ў музеі кнігі ўрачыста прадставілі ўнікальны рукапіс – пераклад Евангелля на беларускую мову Міхася Міцкевіча, малодшага брата Якуба Коласа.
З прывітальным словам выступіў намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша. Ён прадставіў унучку Якуба Коласа – Марыю Міцкевіч. Марыя Міхайлаўна распавяла ўдзельнікам імпрэзы пра свайго знакамітага родзіча, зачытала ўрыўкі з яго твораў і перадала ў фонд бібліятэкі некаторыя рарытэтныя выданні.
Толькі адзін дзень унікальны рукапіс перакладу Евангелля на беларускую мову Міхася Міцкевіча экспануецца ў музеі кнігі. Аднак са згоды спадкаемцы алічбаваная копія рукапісу ўжо даступна чытачам Нацыянальнай бібліятэкі.
Удзельнікі імпрэзы пазнаёміліся з арыгіналам перакладу Евангелля, а таксама некаторымі іншымі кнігамі са спадчыны Міхася Міцкевіча – нашага слаўнага земляка, які здолеў зрабіць шмат для захавання і адраджэння матчынай мовы.
Тэлефон для даведак: (8 017) 293 27 22.
Матэрыял прадастаўлены навукова-даследчым аддзелам кнігазнаўства.