26 сакавіка адбыўся вэбінар з серыі “Методыка і тэхналогія каталагізацыі дакументаў у рэгіянальных зводных электронных каталогах”.
Падчас мерапрыемства спецыялісты Нацыянальнай бібліятэкі Беларусі расказалі каталагізатарам рэгіянальных бібліятэк аб прымяненні фармату BELMARC пры апісанні сеткавых электронных рэсурсаў, аўдыя-, выяўленчых і іншых відаў дакументаў.
У вэбінары ўзялі ўдзел спецыялісты больш чым з 75 бібліятэк Брэсцкай, Віцебскай, Гомельскай, Гродзенскай, Мінскай і Магілёўскай абласцей.
Матэрыял пададзены аддзелам бібліятэчна-інфармацыйных тэхналогій НББ.
