20 верасня адбыўся вэбінар па тэме “Тэхналогіі дапоўненай і віртуальнай рэальнасці ў краязнаўчай дзейнасці ўстаноў культуры (бібліятэк)”.
Арганізатарамі мерапрыемства выступілі Нацыянальная бібліятэка Беларусі і Цэнтральная дзіцячая бібліятэка імя Яраслава Мудрага (г. Яраслаўль, Расія).
У вэбінары ўзялі ўдзел супрацоўнікі Нацыянальнай бібліятэкі Беларусі, Нацыянальнага мастацкага музея Рэспублікі Беларусь, прадстаўнікі бібліятэк Расійскай Федэрацыі.
Загадчыца аддзела экскурсійна-метадычнай работы Людміла Камароўская выступіла з дакладам “Ужыванне інфармацыйных тэхналогій у экскурсійнай дзейнасці Нацыянальнай бібліятэкі Беларусі” і распавяла пра экскурсіі “Ажыўшыя кнігі”, “Беларусь мая сінявокая” і праект “Віртуальны тур 360”.
Удзельнікі мерапрыемства падзяліліся вопытам інавацыйных бібліятэчных практык у галіне AR- і VR-тэхналогій, абмеркавалі актуальныя праекты ў сферы інфармацыйных тэхналогій і іх прымяненне ў дзейнасці ўстаноў культуры Беларусі і Расіі з мэтай далучэння падрастаючага пакалення да бібліятэчнага краязнаўства і фіджытал-краязнаўства. У канцы вэбінару быў праведзены майстар-клас па пясочнай анімацыі з выкарыстаннем дапоўненай рэальнасці.
Запрашаем усіх жадаючых на экскурсіі ў НББ!
Матэрыял пададзены аддзелам экскурсійна-метадычнай работы.