“У госці да кніг” – займальнае навукова-папулярнае выданне для дзяцей па гісторыі кніжнай культуры з творчымі заданнямі і інфармацыяй, якая будзе садзейнічаць папулярызацыі нацыянальнай кніжнай спадчыны і павышэнню культурнага патэнцыялу падрастаючага пакалення.
Ілюстраваная кніга ўключае навукова-папулярныя тэксты на беларускай мове па асноўных этапах, падзеях, персаналіях і паняццях, звязаных з гісторыяй кніжнай культуры. Унікальнасць выдання заключаецца ў магчымасці выкарыстання яго для вывучэння кніжнай культуры з дапамогай актыўных методык. Матэрыял прадугледжвае прывабліванне дзяцей да працэсу пазнання з дапамогай інтэлектуальных і творчых заданняў.
Кніга адрасавана ў першую чаргу для бібліятэк і музеяў краіны як базавая аснова для папулярызацыі кніжнай культуры сярод дзяцей і моладзі. Яна можа быць запатрабавана настаўнікамі ў якасці сродку павышэння цікавасці вучняў да паглыбленага вывучэння беларускай культуры ў еўрапейскім кантэксце. Электронны варыянт выдання прадстаўлены на партале Нацыянальнай бібліятэкі Беларусі. Раздзелы кнігі можна спампаваць у фармаце pdf і выкарыстоўваць для падрыхтоўкі тэматычных прэзентацый і арганізацыі інтэрактыўных заняткаў для дзяцей.
Стваральнікі спадзяюцца, што распрацаваны матэрыял зацікавіць дзяцей, якія змогуць даведацца шмат цікавага пра кнігу і яе гісторыю.
Аўтар: Таццяна Сапега, загадчык сектара навукова-праектнай работы навукова-даследчага аддзела кнігазнаўства.
Дызайнер: Наталля Каралёва, вядучы мастак выдавецкага аддзела.
Рэдактар: Ксенія Суша, галоўны бібліёграф навукова-даследчага аддзела кнігазнаўства.
Кніга складаецца з трох раздзелаў: "Рукапісная кніга", "Друкаваная кніга", "Францыск Скарына".
Матэрыял прадастаўлены навукова-даследчым аддзелам кнігазнаўства.
