16 снежня ўдзельнікі “Клуба кніжных прафесараў” наведалі літаратурна-мастацкую выстаўку “Крама з цытатамі”.
Дзеці пазнаёміліся з экспазіцыяй, якая складаецца з плакатаў з партрэтамі і цытатамі знакамітых палякаў у афармленні польскай дызайнеркі Дар’і Мельцажэвіч.
Маленькія “прафесары” даведаліся пра тое, што плакат – гэта зведзенае ў выразную візуальную формулу паведамленне. Ён павінен быць добра бачны на адлегласці і зразумелы гледачу. Цытата – гэта не проста даслоўная вытрымка з якога-небудзь тэксту, яна перадае сутнасць твора ў кароткай, згушчанай форме, якая лёгка можа заінтрыгаваць і захапіць. Для афармлення тэксту трэба прадумаць яго размяшчэнне, колер і шрыфт. Шрыфт, ці графічны малюнак літар, павінен складаць адну стылістычную і кампазіцыйную сістэму.
Удзельнікі заняткаў натхніліся і стварылі свае дызайнерскія творы з цытатамі беларускіх дзеячаў. Прычым творчасць захапіла і дзетак, і дарослых!
Матэрыял прадастаўлены навукова-даследчым аддзелам кнігазнаўства.