Марафон майстар-класаў да 500-годдзя беларускага кнігадрукавання ўяўляе перадачу свайго прафесійнага вопыту і дэманстрацыю арыгінальных метадаў папулярызацыі кніжнай спадчыны.
Дата правядзення: 27–28 красавіка 2017 года.
Месца правядзення: Нацыянальная бібліятэка Беларусі.
Да ўдзелу запрашаюцца спецыялісты бібліятэк і музеяў.
Вядучы заняткаў павінен у абмежаваны час наглядна прадэманстраваць прыклад работы, асаблівасці свайго падыходу і навучыць сваёй методыцы аўдыторыю. Майстар-клас можа дапаўняцца тэарэтычным аглядам актуальных праблем і тэхналогій, аднак галоўнае – перадаць прыёмы дзейнасці. Марафон майстар-класаў завяршыцца дыскусіяй па выніках супольнай дзейнасці экспертаў.
Майстар-класы могуць быць арганізаваны наступным чынам:
1. Майстар-клас блізкі да адкрытых заняткаў з запрошанай аўдыторыяй, напрыклад, дзіцячай, калі вядучы праводзіць заняткі і дэманструе методыку, а эксперты бібліятэк і музеяў назіраюць за працэсам.
2. Майстар-клас блізкі да імітацыйнай гульні, калі ў якасці вучняў выступаюць самі эксперты бібліятэк і музеяў, слухачы адначасна гуляюць дзве ролі – навучэнцаў і экспертаў.
Марафон майстар-класаў – гэта ўнікальная магчымасць у адным месцы ўбачыць і пачуць вядомых экспертаў, атрымаць адказы на актуальныя пытанні, прадэманстраваць інавацыйныя ідэі, арыгінальнасць падыходу, здольнасць да імправізацыі, ступень уплыву на аўдыторыю, гатоўнасць да пашырэння і папулярызацыі свайго вопыту.
Каардынатар:
Таццяна Андрэеўна Сапега,
загадчык сектара навукова-праектнай работы Нацыянальнай бібліятэкі Беларусі
тэлефоны: (8 017) 293 27 82, (8 025) 994 21 12
e-mail: sapega@nlb.by
