Тыдзень “Свет беларускай кнігі” з выдавецтвам “Мастацкая літаратура” ладзіцца з 21 па 25 лістапада ў сталічнай кнігарні “Кнігі & кніжачкі”.
На працягу тыдня ў кнігарні (пр. Незалежнасці, д. 14) будзе арганізавана выстаўка-продаж кніг выдавецтва “Мастацкая літаратура”.
Штодзённа а 14-й гадзіне будуць наладжаны сустрэчы з беларускімі пісьменнікамі:
21 лістапада – з Аленай Масла, Аксанай Спрынчан, Палiнай Грынчанка;
22 лістапада – з Людмілай Рублеўскай, Віктарам Шнiпам;
23 лістапада – з Навумам Гальпяровiчам, Алесем Марцiновiчам;
24 лістапада – з Пятром Васючэнкам, Анатолем Бутэвiчам;
25 лістапада – з Анатолем Зэкавым, Віктарам Праўдзiным.
Аўтарам можна будзе задаць пытанні. За найбольш цікавыя з іх будуць уручацца прызы.
Падчас правядзення тыдня ў пакупнікоў будзе магчымасць набыць кнігі беларускіх аўтараў з аўтографамі.
У сталічных кнігарнях “Кнігі” і “Маладосць” дзейнічаюць пастаянныя пашыраныя распродажы кніг па нізкіх цэнах. Шырокі выбар мастацкай, дзіцячай, навукова-папулярнай літаратуры, вучэбна-метадычных дапаможнікаў, энцыклапедычных выданняў.
Крыніца: ААТ “Белкніга”
