Сярод шматлікіх мерапрыемстваў, якія праводяцца бібліятэкамі Дзятлаўскай ЦБС з пачатку года, прасочваецца адна з галоўных тэм – 65-годдзе вызвалення Беларусі ад нямецка-фашысцкіх захопнікаў.
У Дзятлаўскай цэнтральнай раённай бібліятэцы аддзелам бібліятэчнага маркетынгу распрацавана двухгадовая мэтавая бібліятэчная праграма “Выхоўваць подзвігам народным” (2009–2010 гг). Выкананне яе будзе ажыццяўляцца ў рамках “Раённай комплекснай праграмы сацыяльнай падтрымкі сталых людзей, ветэранаў і асоб, пацярпеўшых ад вынікаў войн, на 2006–2010 гады.”
Мэта праграмы: прапаганда літаратуры ваеннай тэматыкі, якая раскрывае мужнасць і адвагу, вернасць воінскаму абавязку, любоў да Айчыны; ушанаванне ўдзельнікаў і інвалідаў Вялікай Айчыннай вайны; укараненне новых форм і метадаў работы, якія прапагандуюць гераічную гісторыю вобласці, раёна, вёскі, подзвігі землякоў.
У кожнай бібліятэцы ЦБС аформлены кніжныя выстаўкі і тэматычныя паліцы: “Наша Перамога”, “Вечны агонь памяці”, “Гады вайны – стагоддзі памяці”, “Непераможная Беларусь”, “Дзятлаўшчына ў гады Вялікай Айчыннай”, “Беларусь партызанская”.
На кніжных выстаўках прадстаўлены фактаграфічны мясцовы матэрыял, успаміны ветэранаў, фотаздымкі, альбомы, спісы ўдзельнікаў Вялікай Айчыннай вайны, планы работы бібліятэк у аспекце знамянальнай даты беларускага народа.
