ГалоўнаяМерапрыемствы“Гэта вам не сэлфі”: прэзентацыя кнігі пра беларускіх першапраходцаў фотамастацтва
Жанчыны ў гісторыі: вялікія, знакамітыя, цудоўныя
"Вясны ў душы і за акном – таксама": са святам, мілыя дамы!

“Гэта вам не сэлфі”: прэзентацыя кнігі пра беларускіх першапраходцаў фотамастацтва

“Гэта вам не сэлфі”: прэзентацыя кнігі пра беларускіх першапраходцаў фотамастацтва
Іншыя мерапрыемствы
14 сакавіка
Дата правядзення
16.00
Час правядзення
Зала адукацыйных тэхналогій (пам. 346)
Месца правядзення

14 сакавіка а 16-й гадзіне ў зале адукацыйных тэхналогій (пам. 346) адбудзецца прэзентацыя кнігі Аляксандра Вялічкі “Фотографы земли Белорусской. 1850–1918 гг.”.

Панарамнае фота, сэлфі, фільтры... Гэта сёння за хвіліну можна зрабіць сотню фотаздымкаў, апрацаваць і тут жа загрузіць іх у Instagram, “ВК”, Facebook або разаслаць сябрам па ўсім свеце. А быў жа час, калі партрэтны здымак з'яўляўся раскошай, да фотаздымкі рыхтаваліся грунтоўна і пасля слоў “увага, зараз вылеціць птушка” ішоў доўгі і крапатлівы працэс праяўкі плёнкі і друку фатаграфій.

Здзейсніць падарожжа ў тыя далёкія часы – пачатак XX стагоддзя – запрашае аўтар дзіўнай кнігі “Фотографы земли Белорусской. 1850–1918 гг.” Аляксандр Вялічка. Выданне, якое не мае аналагаў, распавядае аб сапраўдных майстрах аб'ектыва, тых, хто спрыяў распаўсюджванню фатаграфіі з моманту з'яўлення першых фотаатэлье ў мястэчках і гарадах Паўночна-Заходняга краю.

На старонках кнігі адлюстраваны біяграфіі 624 фатографаў. Кожная даведка суправаджаецца знойдзенымі бланкамі або архіўнымі дакументамі. Старадаўнія фотапартрэты з прыватных збораў і калекцый дазваляюць убачыць твар цэлай эпохі, вывучыць дэталі адзення, паставы, прычоскі людзей на здымках.

Аўтар і складальнік кнігі Аляксандр Вялічка больш за 40 гадоў прысвяціў даследаванню ў галіне фалерыстыкі, філакартыі і баністыкі. Публікуецца ў перыядычным друку Беларусі, Расіі і Сербіі, аўтар звыш трох дзясяткаў кніг.

Тэлефон для даведак: (8 017) 266 37 37.
Е-mail: pr@nlb.by

Мерапрыемствы

Канцэрт Андрэя Кіранава

19.04.2021

У суботу, 24 красавіка, у галерэі “Лабірынт” выступіць з сольным канцэртам чытач Нацыянальнай бібліятэкі малады піяніст Андрэй Кіранаў, пастаянны ўдзельнік канцэртаў арт-прасторы “Свет класічнай музыкі”.

Шлях да вечнасці

01.04.2021

Да 100-годдзя з дня нараджэння беларускага гісторыка, літаратуразнаўца Міколы Ермаловіча (1921–2000) у зале беларускай літаратуры (пам. 205) з 1 красавіка па 17 мая праходзіць выстаўка “Шлях да вечнасці”.

Размова з адвакатам аб прымяненні апеляцыйнай стадыі судаводства ў крымінальным працэсе

15.04.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



Бібліятэкарам
111