Дата правядзення
Час правядзення
Месца правядзення
Кошт наведвання
Не, вядома не з тыграмі! Бо навука – гэта вам не цырк. Ніякіх фокусаў і манеўраў, якія адцягваюць увагу, толькі веды, логіка і ... відовішчнасць. Мабыць, гэта адзінае, што іх аб'ядноўвае.
У рамках міжнароднай акцыі “Ноч музеяў” музей навукі “Элемента” правядзе незвычайнае прадстаўленне, на якім пакажуць і дакажуць – навука можа быць даступнай, займальнай і відовішчнай! У гэты вечар гасцям навуковай шоу-праграмы прапануюць увайсці ў клетку Фарадэя і апынуцца ў асяроддзі гіганцкіх маланак трансфарматара Тэслы.
Дырэктар музея Алег Эм заявіў: “Прыходзьце ўсёй сям'ёй. Клетка Фарадэя – гэта ўнікальная магчымасць убачыць маланку на адлегласці выцягнутай рукі. Будзе цікава!”.
Прадстаўленне адбудзецца 19 мая з 21.30 да 23.00 у цэнтральным холе Нацыянальнай бібліятэкі Беларусі.
Уваход: дзеці і дарослыя – 8 рублёў.
Набыць квіткі на навуковае шоу можна ў касе Нацыянальнай бібліятэкі Беларусі 19 мая з 10.00 да 18:00.
Тэлефон для даведак: (8 029) 645 40 40.
Е-mail: elementokot@gmail.com