ГалоўнаяМерапрыемствыХVІІ Міжнародныя кнігазнаўчыя чытанні
Імкненне быць карысным
Размова з адвакатам аб вырашэнні спрэчных пытанняў з суседзямі

ХVІІ Міжнародныя кнігазнаўчыя чытанні

ХVІІ Міжнародныя кнігазнаўчыя чытанні
Іншыя мерапрыемствы
22–23 красавіка
Дата правядзення
10.00–19.00
Час правядзення

22–23 красавіка 2021 г. адбудуцца ХVІІ Міжнародныя кнігазнаўчыя чытанні.

Арганізатары канферэнцыі – Міністэрства культуры Рэспублікі Беларусь і Нацыянальная бібліятэка Беларусі.

Штогадовая навуковая канферэнцыя з’яўляецца галоўнай пляцоўкай краіны для абмеркавання вынікаў навуковых даследаванняў і дасягненняў па пытаннях кніжнай культуры, спрыяе наладжванню навуковага дыялогу і супрацоўніцтва паміж даследчыкамі розных краін.

Тэматычнае поле канферэнцыі вылучаецца разнастайнасцю, нязменнай цікавасцю да кніжнай культуры Беларусі і асэнсавання яе феномена ў сусветным кантэксце. Шырока сфармуляваная праблематыка выклікае інтарэс у кнігазнаўцаў, гісторыкаў, філолагаў, культуролагаў, філосафаў і выдаўцоў.

Праблемнае поле канферэнцыі:

  • Рукапісная кніжнасць Беларусі
  • Беларускія друкарні і старадрукі XVI–XVIІІ стст.
  • Беларуская кніга ХIХ–ХХ стст.
  • Сучасная беларуская кніга
  • Гістарычныя бібліятэкі і развіццё бібліятэчнай справы Беларусі
  • Беларуская кніга ў айчынных і замежных зборах
  • Мастацтва кнігі
  • Улік і апісанне кніжных помнікаў Беларусі
  • Кніга ў сучасным сацыякультурным і інфармацыйным асяроддзі
  • Сучасныя бібліялагічныя школы, даследаванні і канцэпцыі
  • Асобы беларускага кнігазнаўства

Фарматы правядзення:

  • у будынку бібліятэкі (Мінск, пр. Незалежнасці, 116)
  • дыстанцыйны ўдзел з тэкстам даклада, відэадакладам альбо дакладам-прэзентацыяй

Плануецца выданне зборніка матэрыялаў канферэнцыі.

Умовы ўдзелу і патрабаванні да дакладаў – у інфармацыйным лісце.

Матэрыял пададзены навукова-даследчым аддзелам кнігазнаўства.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам