Дата правядзення
Час правядзення
Месца правядзення
24 сакавіка ў бібліятэцы стартуе семінар-практыкум “Беларускія тэксты арабскім пісьмом”. Запрашаем усіх зацікаўленых вучыцца чытаць кітабы.
Семінар-практыкум складаецца з серыі заняткаў, а навучанне пачынаецца з нуля. Эксперт мерапрыемства – Ірына Сынкова, кандыдат філасофскіх навук.
Рэлігійныя рукапісныя кнігі – кітабы – на працягу стагоддзяў ствараліся прадстаўнікамі адной з этнаканфесійных груп Беларусі – беларускімі татарамі, нашчадкамі татараў былога ВКЛ. Гэтыя манускрыпты, напісаныя арабскім пісьмом, змяшчаюць тэксты на арабскай, некаторых цюркскіх, а таксама на беларускай і польскай мовах. Тэксты кітабаў – гэта цікавы аб’ект даследавання для розных спецыялістаў: філолагаў, рэлігіязнаўцаў, гісторыкаў, культуролагаў, кнігазнаўцаў і этнографаў.
Усіх жадаючых навучыцца чытаць старажытныя славянскія тэксты, запісаныя арабскім пісьмом, мы запрашаем на семінар-практыкум.
Уваход вольны!
Тэлефоны для даведак: (8 017) 293 27 82, (8 044) 579 39 07.
Матэрыял пададзены навукова-даследчым аддзелам кнігазнаўства.