ГалоўнаяМерапрыемствыМастак. Рэстаўратар. Мастацтвазнаўца
Натхнёныя Мельпаменай: гісторыя тэатральнага мастацтва Беларусі
Вобразы роднай краіны ў адлюстраванні Мікалая Несцярэўскага

Мастак. Рэстаўратар. Мастацтвазнаўца

Мастак. Рэстаўратар. Мастацтвазнаўца
Іншыя мерапрыемствы
25 сакавіка – 20 красавіка
Дата правядзення
10.00–21.00
Час правядзення
пам. 306
Месца правядзення

З 25 сакавіка па 20 красавіка ў зале дакументаў па мастацтве (пам. 306) праходзіць кніжна-ілюстрацыйная выстава “Мастак. Рэстаўратар. Мастацтвазнаўца”, прысвечаная 150-годдзю з дня нараджэння Ігара Эмануілавіча Грабара (1871–1960).

“...Мастацтва, мастацтва, мастацтва. З дзіцячых гадоў і да гэтага часу яно для мяне – амаль адзіная крыніца радасці і гора, захапленняў і пакут, зачаравання і абурэння, адзінае сапраўднае напаўненне жыцця!” – пісаў Ігар Грабар, чалавек выдатнага розуму, яркага таленту і невычэрпнай працаздольнасці.

Творчы дыяпазон майстра незвычайна шырокі: ён быў універсальнай, шматгранна адоранай асобай. Сумяшчаў у сабе жывапісца, архітэктара, вучонага, рознабаковага мастацтвазнаўца, мастацкага крытыка, педагога, музейнага дзеяча, пісьменніка, які валодаў цудоўнай палітрай рускай гаворкі. Асаблівае значэнне для гісторыі рускай культуры мае дзейнасць І. Грабара як рэстаўратара. Так, ён першым заклаў асновы навуковага вывучэння і кансервацыі твораў мастацтва ў СССР, пры яго ўдзеле былі адкрыты і рэстаўраваны старажытнарускія помнікі, сярод якіх іконы і фрэскі ў Ноўгарадзе, Пскове, Уладзіміры. Грабар узначальваў Траццякоўскую галерэю, дзе правёў вялікую працу па сістэматызацыі твораў мастацтва і склаў першы каталог, які мае навуковую каштоўнасць, напісаў шэраг манаграфій пра творчасць рускіх мастакоў. Невыпадкова па ўсёахопнасці дзейнасці, неверагоднай эрудыцыі Ігара Грабара параўноўвалі з геніямі Адраджэння.

Рускі імпрэсіяніст, мастак пакінуў багатую жывапісную спадчыну. На выстаўцы прадстаўлены рэпрадукцыі яго карцін. Палюбавацца прыгажосцю прыроды ў розныя поры года стане магчымым, дзякуючы пейзажам “Раскошны іней”, “Белая зіма. Грачыныя гнёзды”, “Сакавіцкі снег”, “Бярозы летам”, “Рабінка”, “На возеры”, “Залатое лісце”, “Вераснёўскі снег”. Захопіць наведвальнікаў адзін з самых значных твораў І. Грабара “Лютаўскі блакіт” – “увасабленне небывалага свята – свята блакітнага неба, жамчужных бяроз, каралавых галінак і сапфіравых ценяў на бэзавым снезе”. Заслугоўваюць увагі нацюрморты І. Грабара “Хрызантэмы”, “Непрыбраны стол”, “Грушы на зялёнай драпіроўцы”, “Дэльфініум” і інш. Глыбінёй псіхалагічных характарыстык здзівяць партрэты, створаныя мастаком.

Экспазіцыя дэманструе шматгранную спадчыну Грабара-мастацтвазнаўца. Гэта каштоўныя прыжыццёвыя выданні вучонага: фундаментальная шматтомная праца “История русского искусства”, манаграфіі “Валентин Александрович Серов: жизнь и творчество”, “Для чего надо охранять и собирать сокровища искусства и старины”, “Репин”, “Новооткрытый Рембрандт”, шэраг навуковых зборнікаў, якія выйшлі пад яго рэдакцыяй. Асаблівай увагі заслугоўваюць прадстаўленыя на выставе лісты мастака розных гадоў, а таксама аўтаманаграфія “Моя жизнь”, у якой сабраны ўспаміны майстра і яго эсэ пра рускіх мастакоў.

Hrabar-7.jpg

Дапаўняюць экспазіцыю артыкулы пра Ігара Эмануілавіча, даследаванні гісторыка В. Раслаўскага аб малавывучаным перыядзе развіцця рускай рэстаўрацыі 1917–1921 гг. і ролі І. Грабара ў рэстаўрацыйнай справе, а таксама працы мастацтвазнаўцаў В. Падабедавай, Н. Ягоравай, прысвечаныя розным аспектам шматграннай дзейнасці мастака.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Кніга і аўтарскае права ў сучасным свеце

20.04.2021

З 20 красавіка па 23 мая ў зале дакументаў міжнародных арганізацый (пам. 207g) адкрыта тэматычная выстава “Кніга і аўтарскае права ў сучасным свеце”, прысвечаная Сусветнаму дню кніг і аўтарскага права.

Несуцішны боль Чарнобыля

23.04.2021

З 23 красавіка па 31 мая ў аддзеле абслугоўвання афіцыйнымі дакументамі (пам. 207) адкрыта тэматычная выстава “Несуцішны боль Чарнобыля”, прысвечаная Міжнароднаму дню памяці аб чарнобыльскай катастрофе і 35-годдзю з дня аварыі на Чарнобыльскай атамнай электрастанцыі (ЧАЭС).

Вялікая Айчынная вайна ў творах мастацкай літаратуры

05.05.2021

9 мая наша краіна адзначае знакавае свята – Дзень Перамогі. Да гэтай падзеі прымеркавана выстаўка “Вялікая Айчынная вайна ў творах мастацкай літаратуры”, арганізаваная сумесна з Нацыянальным архівам Рэспублікі Беларусь.

Фотападарожжа па Палессі

14.05.2021

19 мая а 17-й гадзіне ў галерэі “Панарама” (22-гі паверх) адбудзецца адкрыццё фотавыстаўкі “Птушкі Палесся”.

Чырвоная кніга

12.05.2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



Бібліятэкарам
111