Спяшайцеся бачыць фарфоравую прыгажосць!

12 студзеня ў выставачным комплексе (пам. 104) адбылося адкрыццё выставы “Фарфоравае асарці”.

Запрашаем гледачоў акунуцца ў мастацтва фарфору. У экспазіцыі прадстаўлена каля 500 фарфоравых прадметаў: казачныя і літаратурныя героі, цыркавыя артысты, балерыны і вулічныя музыканты, выявы жывёл, бюсты кампазітараў, паэтаў і пісьменнікаў, плакеткі, талеркі, кубкі, чарніліцы, алоўніцы, сервізы і іншыя прадметы інтэр’еру, а таксама фарфор на сентыментальна-пастаральныя сюжэты, навагоднюю і касмічную тэмы.

Асаблівым гонарам калекцыі з’яўляюцца фарфоравыя статуэткі казачных персанажаў “Чырвоны Каптурок і Шэры Воўк” (Германія, II пал. XX ст.), “Бураціна” (Ленінградскі фарфоравы завод, Расія, XX ст.), “Гусі-лебедзі” (Дулёўскі фарфоравы завод, Расія, XX ст.) і інш.

Сярод разнажанравых скульптур вакалістаў, акцёраў, музыкаў, артыстаў цырка, танцораў вылучаюцца фарфоравыя статуэткі “Балерына Бусел” і “Балерына Кошка” (Дзмітраўскі фарфоравы завод (Вербілкі), Расія, II пал. XX ст.). Пры стварэнні статуэтак скульптары І. Апаковіч і М. Інтызаран натхняліся спектаклем “Бусляня”, першым дзіцячым балетам, пастаўленым у 1937 годзе сіламі навучэнцаў Маскоўскага харэаграфічнага вучылішча. Цікава, што роля цэнтральнага персанажа балета – Котачкі – была сыграна вучаніцай трэцяга класа Маяй Плісецкай.

Некалькі вітрын у экспазіцыі займаюць унікальныя статуэткі жывёльнага свету розных кантынентаў зямнога шара, у тым ліку жывёл, занесеных у Чырвоную кнігу Рэспублікі Беларусь.

Не пакінуць абыякавымі наведвальнікаў і кампазіцыі з фарфоравых ваз розных памераў, гонарам серыі можна лічыць вазы рознай афарбоўкі, выпушчаныя ў 1950-х гадах.

Выстава аб’яднала фарфор заводаў Беларусі, Расіі, розных краін Еўропы.

Фарфоравую калекцыю для выставы прадставіў Віктар Сувораў, член праўлення Беларускага рэспубліканскага грамадскага аб’яднання калекцыянераў.

З фонду Нацыянальнай бібліятэкі Беларусі ў экспазіцыі прадстаўлены альбомы рэпрадукцый, энцыклапедыі, якія прысвечаны гісторыі ўзнікнення фарфору і развіцця яго вытворчасці ў свеце і дазваляюць параўнаць фарфоравыя вырабы розных краін. Наведвальнікам таксама будуць цікавыя выданні, да якіх звярталіся скульптары пры стварэнні фарфоравых статуэтак, напрыклад, кніга “Чырвоны Каптурок” Шарля Перо 1923 года з малюнкамі выдатнага ілюстратара дзіцячых кніг У. Канашэвіча.

Аўтарскія экскурсіі

Кошт квіткоў складае:

• для дарослых – 7 руб.
• для навучэнцаў сярэдніх, сярэдніх спецыяльных і вышэйшых навучальных устаноў (пры прад’яўленні дакумента) – 5 руб.

• група з двух дарослых і аднаго дзіцяці да 16 гадоў – 11 руб.
  
• група з двух дарослых і двух дзяцей да 16 гадоў – 13 руб.
  
• шматдзетныя сям’і (пры прад’яўленні дакумента) – 13 руб.

• дзецям да 7 гадоў і выхаванцам дзіцячых дамоў, людзям з абмежаванымі магчымасцямі (пры прад’яўленні)
• суправаджальнікам групы школьнікаў, выхаванцаў устаноў адукацыі (1 суправаджальнік на 10 дзяцей).

Тэлефоны для даведак: (8 017) 368 37 37, 293 27 50.

Глядзіце таксама рэпартажы тэлеканалаў “Беларусь 1” і “Беларусь 24”.