Дата правядзення
Час правядзення
Месца правядзення
24 кастрычніка адбылося адкрыццё выстаўкі “Адтуліны-адсюліны”, якая арганізавана сумесна з Беларускім саюзам мастакоў і знаёміць з сучасным беларускім інсітным мастацтвам.
У экспазіцыі – выкананыя ў жывапісе, графіцы, дэкаратыўным мастацтве работы беларускіх мастакоў Юрыя Пяткевіча і Ірыны Князевай.
Юрый Пяткевіч – мастак, паэт, пісьменнік, шырока вядомы ў Беларусі і за мяжой – прапануе ўвазе гледачоў унікальныя спалучэнні выяўленчага і літаратурнага мастацтва, прыклады элітарнага напрамку кніжнага мастацтва – “Кнігі мастака” (Livre d’artiste), выкананыя ў графіцы і жывапісе.
Творчасць Ірыны Князевай – старшага навуковага супрацоўніка ўстановы “Дзяржаўны музей гісторыі беларускай літаратуры”, удзельніцы выставак і натхнёнай творцы – прадстаўлена яе ілюстрацыямі да выданняў беларускай дзіцячай пісьменніцы Таццяны Дашкевіч “Облака для Милы”, “Куда бежит собака Мелли” і “Взрослеть никогда не рано, или Один невероятный день из жизни обычного мальчика”. Вясёлыя, непасрэдныя работы пераносяць у дынамічную прастору дзіцячых гульняў, адкрыццяў і пошукаў.
Экспазіцыя будзе працаваць да 18 снежня 2023 года.
Дата заканчэння працы экспазіцыі можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 368 37 37.
Матэрыял падрыхтаваны аддзелам сувязей з грамадскасцю.