Дата правядзення
Час правядзення
Месца правядзення
12 снежня ў рамках праекта “Вядомыя імёны” Нацыянальнай бібліятэкі Беларусі адбудзецца прэзентацыя інтэрнэт-рэсурсу “Ніна Варфаламееўна Каляда (1903–1983): «Я ніколі не забывала бібліятэку...». Да 120-годдзя з дня нараджэння”.
Ніна Варфаламееўна Каляда – вядомы бібліёграф і бібліятэказнаўца, аўтар-складальнік шматлікіх бібліяграфічных работ, 20 гадоў працоўнага стажу якой звязаны з Дзяржаўнай бібліятэкай БССР імя У.І. Леніна. Яна праявіла сябе і як таленавіты педагог, шчодра дзялілася ведамі са студэнтамі бібліятэчнага факультэта Мінскага дзяржаўнага педагагічнага інстытута імя А.М. Горкага. Сваёй шматгадовай і бездакорнай працай Н.В. Каляда ўнесла значны ўклад у развіццё бібліятэчнай справы Беларусі.
Створаны інтэрнэт-рэсурс знаёміць з жыццём і прафесійнай дзейнасцю Ніны Варфаламееўны, змяшчае алічбаваныя бібліяграфічныя працы, копіі асабістых дакументаў, фатаграфій і іншых біяграфічных матэрыялаў.
Запрашаем усіх жадаючых!
Матэрыял пададзены навукова-даследчым аддзелам бібліяграфіі.