Дата правядзення
Час правядзення
Месца правядзення
Выстава “Новый год к нам мчится…” праходзіць з 11 снежня па 18 студзеня ў чытальнай зале міжбібліятэчнага і індывідуальнага абанемента (пам. 164).
Зіма – самы чароўны час года. З іскрыстым снегам да нас вяртаецца вера ў казку і абуджаецца жаданне цудаў. Мы прадчуваем Новы год, упэўненыя ў тым, што “скоро все случится”, – спраўдзяцца таемныя жаданні і здзейсняцца нават самыя неверагодныя мары.
Прадстаўленыя на выставе кнігі падкажуць, як у Новы год напоўніць дом настроем і чараўніцтвам, выбраць навагодні ўбор, сваімі рукамі стварыць сувеніры і ўпрыгожыць ёлку, накрыць святочны стол і, вядома ж, як выказаць любоў і падарыць цяпло родным і блізкім.
Экспазіцыя прыадкрые таксама заслону таямніцы навагодніх персанажаў, пазнаёміць з маёнткам беларускага Дзеда Мароза, творцы цудоўнай беларускай зімы, і раскажа пра зімовыя святочныя традыцыі беларусаў.
Час працы выставы адпавядае рэжыму працы чытальнай залы міжбібліятэчнага і індывідуальнага абанемента.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 10.
Матэрыял пададзены аддзелам бібліятэчнага абслугоўвання.
