Дата правядзення
Час правядзення
Месца правядзення
6 студзеня дзіцячы пакой запрашае дзяцей 5–10 гадоў на творчыя заняткі “Гномік і ялінка” ў тэхніцы “трэш-арт”.
З папяровак дзеці зробяць фігурку гноміка, бараду − з ваты, каўпак і адзенне – з паперы для скрапбукінгу, а ручкі − з драўляных палачак ад марожанага. Дапоўніць зімовую кампазіцыю ялінка з хваёвай шышкі, пафарбаваная белай акрылавай фарбай.
Хлопчыкі і дзяўчынкі паспаборнічаюць у адгадванні загадак пра зіму і пагуляюць у рухавую гульню “Замарозка”.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.