Дата правядзення
Час правядзення
Месца правядзення
З 19 лютага па 31 сакавіка ў аддзеле абслугоўвання афіцыйнымі дакументамі (пам. 207) адкрыта тэматычная выстава “Любі і ведай родную мову”, прысвечаная Міжнароднаму дню роднай мовы.
Гэты Дзень быў заснаваны рашэннем 30-й сесіі Генеральнай канферэнцыі ЮНЕСКА ў лістападзе 1999 года (30С/62) і штогод адзначаецца 21 лютага, пачынаючы з 2000 года. У лютым 2002 года, на сваёй 56-й сесіі, Генеральная асамблея ААН, падкрэсліўшы важнасць культурнай і моўнай разнастайнасці, падтрымала рашэнне ЮНЕСКА аб абвяшчэнні Міжнароднага дня роднай мовы (рэзалюцыя № Α/RES/56/262) і заклікала ўсе дзяржавы падтрымаць і актывізаваць мерапрыемствы, накіраваныя на садзейнічанне павазе, а таксама на падтрымку і абарону ўсіх моў народаў свету, лінгвістычнай разнастайнасці і шматмоўя.
Кожны народ – гэта непаўторная культура, гісторыя, традыцыі, лад жыцця. І, вядома, мова. Яна ствараецца і ўдасканальваецца на працягу многіх стагоддзяў і з’яўляецца сховішчам тысячагадовага вопыту народа. Родная мова накладвае ўнікальны адбітак на кожнага з нас з моманту нараджэння. Яна – інструмент зносін, разважання і ўспрымання, апісвае наша бачанне свету і адлюстроўвае сувязь паміж мінулым, сучаснасцю і будучыняй. Мова фарміруе і насычае нашу свядомасць, закладзенымі ў ёй традыцыямі і культурай.
Прапанаваная ўвазе карыстальнікаў выстава пазнаёміць чытача з разнастайнасцю моў свету, а таксама з тымі намаганнямі, якія робяць урады, установы сістэмы Арганізацыі Аб’яднаных Нацый, арганізацыі грамадзянскай супольнасці для захавання, павагі, падтрымання і абароны моў, асабліва тых, якія знаходзяцца пад пагрозай знікнення. Асобным раздзелам прадстаўлена літаратура пра палітыку нашай дзяржавы па падтрымцы і развіцці беларускай мовы.
На выставе прадстаўлена больш за 90 публікацый на рускай, беларускай, англійскай і нямецкай мовах: кнігі, перыядычныя выданні, брашуры, буклеты, мімеаграфаваныя матэрыялы.
Сярод экспануемых дакументаў – энцыклапедыі і даведнікі аб мовах народаў свету, міжнародныя нарматыўна-прававыя акты, накіраваныя на абарону нацыянальных моў і моў нацыянальных меншасцей, матэрыялы навуковых канферэнцый і даследаванняў, манаграфіі, у якіх разглядаецца роля мовы ў захаванні і развіцці матэрыяльнай і духоўнай спадчыны народа.
Экспазіцыя ўключае наступныя тэматычныя раздзелы:
- Адзін свет – разнастайнасць моў
- Паходжанне мовы, мова і яе роля ў захаванні духоўнай спадчыны
- Мова і свядомасць. Філасофія мовы
- Міжнародныя нарматыўна-прававыя акты аб мовах
- Мова, грамадства, адукацыя і праблемы міжкультурнай камунікацыі
- Мова і шматмоўе ў эпоху глабалізацыі і глабальных камунікацыйных сетак
- Моўная палітыка і перспектывы развіцця беларускай мовы ў Рэспубліцы Беларусь
Выстава будзе цікавая лінгвістам, філолагам, супрацоўнікам устаноў культуры і мастацтва, гісторыкам, а таксама шырокаму колу чытачоў, якія цікавяцца беларускай мовай, а таксама моўнай і культурнай разнастайнасцю.
Карысныя спасылкі
- Міжнародны дзень роднай мовы (ЮНЕСКА)
- Міжнародны дзень роднай мовы (ААН)
- Значэнне шматмоўя для ААН
- Каардынацыя пытанняў шматмоўя
- Міжнародны дзень адукацыі (24 студзеня)
- Сусветны дзень культурнай разнастайнасці ў імя дыялогу і развіцця (21 мая)
- Дзень рускай мовы (6 чэрвеня)
- Міжнародны дзень карэнных народаў свету (9 жніўня)
- Міжнародны дзень пісьменнасці (8 верасня)
- Міжнародны дзень жэставых моў (23 верасня)
- Міжнародны дзень перакладу (30 верасня)
Дакументы
- Рэзалюцыя ГА аб заснаванні Міжнароднага года моў (A/RES/61/266)
- Канвенцыя аб ахове нематэрыяльнай культурнай спадчыны
- Канвенцыя аб ахове і заахвочванні разнастайнасці форм культурнага самавыяўлення
- Канвенцыя аб барацьбе з дыскрымінацыяй у галіне адукацыі
- Усеагульная дэкларацыя ЮНЕСКА аб культурнай разнастайнасці
- Рэкамендацыя аб развіцці і выкарыстанні шматмоўя і ўсеагульным доступе да кіберпрасторы
- Шматмоўе (A/RES/56/262)
- Міжнародны пакт аб грамадзянскіх і палітычных правах
- Дэкларацыя аб правах асоб, якія належаць да нацыянальных або этнічных, рэлігійных і моўных меншасцей
- Дэкларацыя ААН аб правах карэнных народаў
З пералікам лiтаратуры да тэматычных выстаў можна азнаёмiцца ў раздзеле “Спісы літаратуры да выставак за 2024 год”.
Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 26.
Матэрыял пададзены аддзелам абслугоўвання афіцыйнымі дакументамі.