Выстаўка жывапісу Юліі Коба “Тут цёпла”

12 сакавіка ў галерэі “Панарама” (22-гі паверх) адбылося ўрачыстае адкрыццё выстаўкі “Тут цёпла”, якая прадставіць жывапісныя пейзажы, кветкавыя нацюрморты, вясновыя партрэты беларускай мастачкі Юліі Коба.

Юлія Коба – мастак, член Міжнароднага грамадскага аб’яднання “Еўразійская мастацкая садружнасць”, удзельніца шматлікіх выставак, куратар і ўдзельніца пленэраў, заснавальніца арт-студыі “Охра” (Мінск), яе творчы кіраўнік і педагог. Работы Юліі знаходзяцца ў асабістых калекцыях Расіі, ЗША, Англіі і інш.

У экспазіцыі – духмяныя букеты, утульнасць родных абшараў, магія світанкаў, шолах лугавой травы – прырода, якая прачынаецца пасля зімовага сну.

Квітнеючыя грушы, васільковае поле, букеты бэзу, мальвы, флоксы, півоні, лілеі, макі, гладыёлусы, люпіны, цюльпаны, эфектныя сланечнікі, лугавыя травы, дзяўчынка на арэлях, прадстаўленыя ў экспазіцыі, расквітнеюць і распачнуць вясну ў галерэі “Панарама”.

Час работы выстаўкі адпавядае рэжыму работы агляднай пляцоўкі.
Наведванне экспазіцыі складае кошт наведвання агляднай пляцоўкі.

Тэлефон для даведак: (8 017) 368 37 37.